貓奴們集合！！草莓牛奶貓咪唇膏來襲～秋季新作吸睛度滿分

講起貓咪系列嘅彩妝大家一家會諗起法國品牌Paul & Joe！嚟緊2019年秋冬系列，品牌又推出全新貓星人彩妝，各位貓奴們！Assemble！！

回顧上年推出嘅純白貓貓造型唇膏蓋，真係攻陷唔少女生們嘅心，仲掀起一陣瘋搶潮！嚟到今年，品牌用上「南法酒莊」作為創作靈感，所以產品中滲入唔少萄葡酒嘅元素，不過唯獨係呢支吸睛度滿分嘅貓咪唇膏蓋，用上草莓牛奶粉嫩色調，加上陶瓷外殻，簡直要手刀去搶！！！

當然除咗個殻，個「餡」都好重要！！今次新推出嘅三款唇膏色調都偏向「萄葡酒」風，帶少少紫Tone微醺嘅感覺，就好似飲完紅酒嘴唇會染到輕輕嘅萄葡色咁，絕對係秋冬不敗顏色！

限定系列係日本8月1日就正式開售，貓奴們記得留意喇～