讓男生回頭的魅力香氣～三款收藏級香水推介！外型與香氣兼備令人愛不釋手

By laam on 16 Jul 2019

唔少女生都有儲香水嘅習慣，香水唔單止令你有嗅覺上嘅享受，每種氣味都能夠勾起特別嘅回憶，而香水樽嘅精緻外型亦好有收藏價值，今次小編會推介三支直達收藏級別嘅香水啦！

CAROLINA HERRERA GOOD GIRL COLLECTOR EDITION DOT DRAMA HK$1,170/ 80ml

女生總會對高跟鞋有種情意結，可以話係高貴嘅象徵，同時展現著女生知性又優雅嘅氣質，如果你係高跟鞋控，見到呢支香水一定會愛不釋手！來自美國紐約嘅Carolina Herrer推出限量Good Girl Dot Drama Eau de Parfum，由纖細嘅金色鞋跟到鞋身嘅流線型設計，非常特別嘅高跟鞋樽身造工極之細緻，配合品牌經典元素——波點，想帶出女性聰明、勇敢、神秘嘅一面。而香味偏花調，突顯東方花香嘅雙重性，如同香水外型，係一種輕熟嘅高貴香氣！

前調：杏仁、咖啡、佛手柑、檸檬
中調：茉莉、晚香玉、鳶尾草、玫瑰、橙花
後調：黑香豆、可可豆、檀香、香草、肉桂、喀什米爾木

COACH Floral Blush HK$ 890 /90ml

COACH嘅香水雖然外型簡約，但都有唔少精細位好值得留意同收藏。就好似今次嘅COACH Floral Blush，靈感來自標誌性嘅茶香玫瑰，鵝蛋型玻璃樽身上面有著品牌著名嘅四輪馬車雕刻，特別嘅位置係以皮革打造嘅花花掛飾同銀吊牌，有畫龍點睛嘅作用！而玫瑰粉紅色漸變樽身好有女生浪漫嘅氣息，今之玫紅色設計較之前粉紅色系列更有一種嫵媚嘅感覺！有試過COACH香水嘅朋友都會感受到品牌甜美清雅嘅獨特香氣，喜歡玫瑰嘅朋友一定會一試愛上！