與「黏笠感」說再見！清透素肌育成課～夏日清爽美白抗皺護膚四部曲

By laam on 19 Jul 2019

年紀愈來愈大，就發覺啲皮膚愈來愈「唔聽話」！色班、暗沉、水油唔平衡、唔吸收⋯⋯種種問題慢慢浮現出嚟，尤其是去到夏天，每日受到紫外線嘅攻擊，所以話想回復清透亮澤嘅皮膚就要由基本護膚程序做起～今次小編就介紹四款非常適合夏天用嘅護膚品俾大家啦！

Step 1 潔面

護膚第一步梗係洗乾淨塊面先啦，如果唔係搽咩都唔會吸收！平時單單使用洗面產品未必能夠徹底清潔面部，要額外使用磨砂產品先可以去除老化角質，不過市面上部分磨砂產品粒子比較粗大，唔建議每日使用。而FRESH呢支士多啤梨柔膚磨砂潔面霜性質非常溫和，由法國紅紅菜頭提鍊出白糖微晶粒子，除咗有磨砂功效之外，亦可以滋潤肌膚鎖緊水份。士多啤梨同黑加侖子萃取成分可以增加膚色明亮感。用嘅時候可以隨自己想要嘅清潔力度，加份清水作溫和磨砂，想加強深層清潔效果亮可以將潔面霜敷係濕潤嘅皮膚上3-5分鐘，而呢支含磨砂清潔功能嘅潔面霜可以每日使用喔！

Step 2 精華噴霧

清潔完面部之後就要進份保濕程序喇～今次使用嘅就係CAUDALIE嘅皇牌產品葡萄籽活性爽膚水「皇后水」！當中蘊含多種精華同草本成分，包括可以提升光澤感嘅葡萄萃取物、淨化、收細毛孔嘅有機薄荷葉、舒緩肌膚同令皮膚更柔軟嘅橙花萃取物同爽膚控油嘅玫瑰精油等等，一支有晒爽膚水同精華嘅功效！皇后水成分天然而且非常溫和，噴出嚟嘅噴霧粒除極之幼細，除咗可以當作保濕噴霧，亦可以用嚟定妝添！

Step 3 Lotion

保濕固然重要，但均勻膚色同美白都係唔少女生關注嘅一環，尤其是啲頑固色斑！！POLA雙效祛斑煥白乳液含有美白活性成份「PCE-DP」，能夠抑制黑色素沉澱，防止色斑同雀斑生成，唔止美白，當中嘅透明質酸同SC Liquid成分可以加強保濕效果同鎖水功效！質地方面，乳液比面霜更加清爽，完全無黏笠感，而且極速被皮膚吸收，夏天用就啱晒！