紅糖+生薑=暖子宮聖品！紅糖生薑茶行氣化瘀血，一個月14日份量解決M痛、經期失調、手腳冰冷問題！

生活喺香港地，生活作息想話定時少少都有難度，早出晚歸，食無定時，想話早睡早起根本就係不可能的任務。搞到肝腎失調，m期又唔準......原來只要定時飲紅糖生薑茶，就有助暖子宮化瘀血，紓緩困擾女生好耐嘅經痛問題！而且製作方法方便又簡單，係時候對自己身體好啲喇～

Photo from pinkjoycewu ＠ ig

中醫角度認為紅糖可以補血散瘀、暖肝去寒；而生薑亦都係好處多多！好多人都用生薑來養生，主要係因為寒氣同濕氣係引起慢性病嘅主要原因，生薑驅寒除溫嘅正正針對女生手凍腳凍、濕氣重嘅毛病～紅糖、生薑蒸過以後，兩者藥性都會變得柔和，而且互相滲透，可以行氣化瘀血、暖子宮。

Photo from bycouragecom @ ig

紅糖生薑茶製作方法

先準備400 g紅糖，將240 g生薑切碎，將兩者混合，隔水蒸30分鐘，分成14份。先從月經結束後嘅第二天開始，每天早上拎出1份，加150 ml滾水，待水和暖後飲用，需連服14天，並且要空肚飲！

Photo from from Sina

*小提示： 用唔完嘅份量用保鮮盒裝好放入雪櫃就可以～

紅糖水對於因虛寒造成嘅m痛有好好嘅效果，女生們都快試試看！

Text: Girlslike Editorial

Photo Source: Instagram，sina