小紅書爆紅「鍵盤眼影」全盤無廢色、顯色度超高，一推出即引起全城搶購潮！

小紅書上最近又再現討論度極高嘅彩妝產品，就係「鍵盤眼影」同「眼影鍵盤」～由彩妝品牌YES!IC跨界同設計師品牌Lofree合作，打造出最創新又夢幻嘅鍵盤眼影，為鐘意彩妝嘅你帶來超強視覺效果，加上限量發售所以成功引起大家關注，一推就出現搶購熱潮，愛美嘅你又點可以

Photo from 小蚂蚁在奔跑 @小紅書

# LOFREE眼影鍵盤

設計師品牌Lofree洛斐以及新銳彩妝YES!IC攜手合作，分別推出「眼影鍵盤」同埋「鍵盤眼影」。產品未開賣就已經喺網路上引起一番討論，開售短短兩日就創下賣出破千件嘅佳績，難怪會喺小紅書上爆紅，確實係唔簡單！

Photo from 小蚂蚁在奔跑 @小紅書

LOFREE眼影鍵盤外型創新，除咗可以當成裝飾使用為書桌增添時尚感外，產品更經驗30次色彩方案調整，最後設計出呢盤完全無「廢色」，隻隻色都咁靚嘅眼影盤，更被網友稱為「仙女鍵盤」。

採用獨家色彩噴漆，並與國際知名鍵盤大廠合作，確保產品色彩精準、牢固、不掉色。除咗支援有線操作外，仲可以使用藍牙，Windows、Mac、iOS、Android系統都適用，機身重大約810g，加上附贈設嘅漆皮質感收納包，令人忍唔任要去入手一個！

Photo from 小蚂蚁在奔跑 @小紅書

# YES!IC鍵盤眼影

除咗好似眼影盤嘅鍵盤外，用YES!IC熱門眼影色組成嘅「鍵盤眼影」，設計師打破一般傳統眼影盤設計，加入視覺元素與創意，令化妝品變成一件藝術品！

Photo from 是你琦琦 @小紅書

Photo from 是你琦琦 @小紅書

乍看好似真正嘅鍵盤鍵帽，總共有36+9色，種種顏色都非常靚，包括有實用度高嘅大地色、粉紅色、珊瑚橘，1-12號係大地色系，13-24號係暖茶紅色，26-36係比較閃亮嘅色調。

Photo from 是你琦琦 @小紅書

而設計師更細心地將每一格顏色採用0.5mm凹陷設計，方便以指腹直接沾取上色，相信鐘意化妝嘅女仔見到都要忍唔住尖叫！

Photo from 是你琦琦 @小紅書

Text：TopBeauty Editorial