國外CP值最高的眼影盤！ColourPop夏日絕美橘色眼影～新品持續火燒中！

近年被譽為CP值最高嘅美妝品牌ColourPop又有新品喇～唔知係咪橙色系彩妝大熱，今次品牌推出全橙色Orange You Glad系列，真係好火燒啊！

Orange You Glad系列有多款產品，就好似唇彩、化妝掃、單色眼影等。不過最受注目當然係佢嘅眼影盤啦～一盒九色嘅眼影盤，集合各種唔同嘅橘色色調，除咗有霧面質地同珠光質地，人面仲有一格幻光閃片眼影，唔同角度望過去會有幻彩效果，去party用佢一定會成為全場焦點！

有感受過ColourPop威力嘅朋友一定知道，佢嘅著色度奇高！！一抹已經非常上色，粉質算幼細同柔滑，都無咩飛粉嘅情況～而今次新系列一改之前嘅紙盒包裝，用上膠盒設計，加上今次有鏡喔～非常方便！而售價都只係12元美金，即係港幣$94，不過香港嘅朋友想買可能要靠代購或者上官網親自購買喇～

Text： TopBeauty Editorial