必去窩釘心心打卡位！YSL 「BEAUTY IN LOVE 」海港城Pop Up Store～打開你的告白信物

YSL又帶新驚喜俾大家喇！今次登陸尖沙咀海港城開設「BEAUTY IN LOVE 」Pop Up Store，除咗有超火燒嘅限定產品之外，仲有全港首個Face ID技術等大家有購物新體驗，當然唔少得靚靚打卡位！等小編帶大家睇下啦～

智能「LOVE LOCKER」

YSL今次開設嘅Pop Up Store引入全港首個智能「LOVE LOCKER」，帶俾各位粉絲一個全新科技嘅購物樂趣，想參加嘅朋友可以先透過網上預購，填寫個人資料同上載照片，然後選購心水限量套裝，當收到SMS通知之後就可以出發喇！

嚟到「LOVE LOCKER」之後程序非常簡單，根據之前上載嘅照片，以個人面容Face ID同做一個LOVE KISS飛吻動作，就可以Unlock你專屬嘅「LOVE LOCKER」，領取預禮品喇！仲可以獲得額外嘅小禮品添～而嚟到呢個咁色彩繽紛嘅LOCKER牆，當然要影相留念啦，打卡位No.1 GET！

專業化妝師試色服務

不論你有無預先網上預購都好，都可以嚟到補妝專區，等註場專業化妝師幫大家試色補妝，仲可以試到最新推出、搶眼型格窩釘包裝嘅ROUGE PUR COUTURE同ROUGE PUR COUTURE THE SLIM 系列添，試啱即買又得～得咗！

體驗轉印紋身貼紙

粉絲只要係LOVE LOCKER影張相，上載去Instagram加埋今次活動嘅Hashtag就可以體驗YSL特別準備嘅「In Love」轉印紋身貼紙喇！

窩釘心型打卡位

買完嘢又化完個靚妝，梗係要嚟到以來自聖羅蘭先生經常用於時裝系列嘅窩釘元素打造嘅巨型心心影相啦～無論同閨蜜定係同另一半嚟都咁啱啊！

日期：即日起至8月4日

地點：尖沙咀海港城海運大廈入口大堂

Text & Image: TopBeauty Editorial