研究:每週只工作8小時對身心最健康!想擁有健康,先要向OT說不

研究:每週只工作8小時對身心最健康!想擁有健康,先要向OT說不

Office
By Aisa on 06 Aug 2019

打工仔每日都要面對排山倒海嘅工作,番工要準時,放工無了期,但我地都只能夠默默接受。而外國竟然有報導指出最理想工時係每星期工作8個鐘,對身心最健康,對於我地呢班香港人嚟講簡直係天方夜譚。不過工作對健康確實有直接嘅影響,就算我地唔可以做到每週工作8小時,至少都要由向OT說不做起。

Photo from 《The Intern》劇照

對於工作對身心健康嘅影響,有過各種唔同嘅研究,不過原來唔工作唔係最好嘅做法,一定嘅工作其實都對身心更有益。根據英國獨立報報道,劍橋大學(University of Cambridge)同埋索爾福德大學(University of Salford)合作研究有關工時同埋身心健康嘅關係,指出隨著科技進步,好多工作已經唔需要人手操作,以致就業率降低。而呢項調查,邀請咗大約7萬位英國居民參加,喺2009年至2018年期間,搵出工時長短對佢地心靈健康以及生活滿足感嘅影響。

Photo from 《The Intern》劇照

結果發現每星期工作8位鐘,比起無工作或者全職做家長,患精神健康問題嘅人減少三成。一星期工作一日係最好嘅「治療藥物」。不過研究同時又指出工時超過8小時後,對精神健康已經無更多幫助。

Photo from 《The Intern》劇照

另外,索爾福德大學嘅Daiga Kamerade博士就認為,隨住對人力需要嘅減少,未來未必再需要人人都每星期番五日工,佢話:「在未來的數十年間,我們可以預見人工智能、大數據興機械人將會取代現時由人手負責的工作。要是未來我們再需要全職工作,便要重新審視工作時間。」

Photo from 《The Intern》劇照

喺調查嘅最後,研究人員提議:「五天周末,兩天工作」或者將年度假期由幾星期增加到幾個月。同時,如果工作中出現無自由與發揮空間、工作要求過高、工作唔穩定、無定期提高工資、工作量分配唔平均,就會對精神健康帶來負面影響。

Photo from 《The Intern》劇照

不過對於繁忙嘅香港打工仔嚟講,唔好話番2日休5日,就連每日準時收工都有難度,雖然如此,工作同健康息息相關,我地一定唔可以忽視,就算做唔到研究人員嘅建議,但起碼要先向OT說不,希望各位良心僱主會體諒並接受工作已經成為影響人類身心嘅重要因素,不能忽視,由今日開始就以準時收工為目標先啦!

Photo from 《The Intern》劇照

Text:TopBeauty Editorial

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK