打造小巧精緻輪廓！4個簡易淋巴按摩去水腫方法，每天10分鐘排走毒素回復光澤～

不論身型如何纖瘦，如果臉上全都是豬肉肉，一塊Pizza臉真的令你形象分大減！自問飲食上非常節際忍得口，有運動習慣，身體各部位都算不上肥，但偏偏肉肉份都往臉上跑，也許你要試試面部淋巴按摩。只要早晚兩次5分鐘的重點按摩，就可以達成通淋巴，排毒兼瘦面的功效！想知正確方法係點按？快參考以下技巧～

水腫係點形成？

水腫主要成因係血液循環不良，亦可能跟飲食習慣有關。 如果面部血液循環不良，就會令新陳代謝功能變差，毒素同水分則難以排走，形成水腫；另一個原因就係重口味飲食習慣，太多調味嘅食品都會令身體水分比例唔平衡，形成水腫。而淋巴就係身體排毒嘅防線！只要淋巴暢通，身體排毒功能就會正常，持之以恆進行按摩，就可以造到排毒去水腫，pizza面變小顏不是夢！

Photo from ig @ aliaime

Photo from vivien_yeosiewhui ＠ ig

＃1 眼周

上班一族每日對住電腦超過8個鐘，眼部非常疲勞，而輕按眼周就可以減輕眼部疲勞，水腫同黑眼圈問題都會得以改善，持續一段時間後，眼周肌膚會回復光澤同彈性。以眼蓋、眼尾、眼袋同眼頭作針對按摩嘅的穴位，打圈按壓約10次。

Photo from ig @ wongtsuiyu

＃2 顴骨

顴骨下方正正係容易積聚毒素嘅部位，按壓方法非常簡單：利用三隻手指以螺旋狀向耳朵方向做提拉動作，直到耳下方凹陷處時，稍稍加強力度按壓淋巴位置。

Photo from from Youtube

＃3: 頸部、下巴

下顎位置同樣，由下巴開始，以螺旋狀往耳朵按壓，直到咀嚼肌位置，可以稍稍加強力度打圈按壓。另外，可以用3-4隻手指嘅指腹向耳後淋巴位置一直向脖頸方向按，直至鎖骨部位，有助去水腫。

Photo from from Youtube

＃4 鎖骨

鎖骨上方嘅凹陷位置正正係連結淋巴嘅地方，先輕輕按壓鎖骨上方凹陷處，之後用指腹將毒素往外推 。將呢一組動作放最後，就有效將剛才面部所排走嘅毒素排清，而多按鎖骨淋巴更可以預防身體疾病。

Photo from aliaime @ ig

Text：TopBeauty Editorial