霓虹燈美照打卡攻略！NARS 25周年限定派對～玩盡遊戲、試妝、展覽換禮物

NARS無論粉底、遮瑕膏、唇膏都好受大家歡迎，而今年係品牌成立25周年嘅大日子，仲特登係海港城開設「NO RULES. JUST LIPS. 」Pop up Store，同一眾粉絲們開Party！場內唔止有巨量打卡位，仲有好多遊戲同獎品，一齊睇下有邊啲精彩Check Point啦！

公眾入場前可以透過連結登記，憑QR Code係各個Check Point獲得點數，最後可以換取禮物架～首站就要去到「AR虛擬試妝專區」，入面有成72款唇色任你選擇，對照你嘅面容試上唇色，揀好你嘅專屬命定唇色之後就可以去到旁邊嘅補妝試色區，由專業化妝師幫你直接試上嘴順便補補妝，係咪好方便呢～

接住落嚟就可以行去對面嘅「Iconic Beauty Elevator玩味影像室」，模擬廣告中嘅升降機場景，即時化身成超模！！除咗可以拍到美照之外，系統仲會即時配上特效製作個人化廣告短片，成為廣告中嘅主角！嚟到NARS嘅Party梗係要照多啲靚相啦～今次場內用上紫色霓虹燈佈置，即使係補妝區都可以拍到好多美照，基本上成個場地都係打卡位！行遠少少會見到港威商場大堂II長廊嘅「MEET MR. NARS」25周年美藝展覽，唔止可以欣賞到NARS創辦人兼創意總監François Nars嘅經典金句同過往創作過嘅造型，影相都係一流～

想影出美照，就咁企係幾支霓虹燈唇膏隔離影雖然都可以，但注意同霓虹燈嘅距離，企得太近霓虹燈嘅顏色就會反落塊面度，顯得皮膚會過紅同過黃。另外，仲可以仲可以利用霓虹燈做前景，咁影出嚟就會有一種幻彩咁感覺！

影咗多咁多靚相，只要Upload上Instagram加上hashtag #NARS25PARTY，就可以即時打印出用膏唇作為主題嘅實體相留為紀念添！最後可以憑QR code入面嘅積分換取美妝禮品架～大家千祈唔好錯過喇！

Videographer： Kason Tam

Photographer：Kason Tam

Video Editor：Kason Tam

Content Editor：LaamLaam IP

Model：Maggie Ip