愛笑的女生最好命！研究發現：「笑」可以令人更瘦、更年輕，更有魅力～

由細到大都成日聽人話要笑多啲，雖然唔知有咩實際作用，不過笑似乎好處多多～原來有科學證實笑容真係會帶來唔少好處，最令人高興嘅就係能夠令人變年輕、變瘦、更有魅力，以後大家不妨笑多啲啦～

# 變年輕

唔知你有無發現愛笑嘅女生比同年齡嘅睇落更年輕？除咗係因為愉快嘅心境可以令人年輕外，其實「笑」可以直接令肌膚延緩衰老。有啲人嘅面容會顯老，係因為臉部皮膚鬆弛，以及肌膚唔夠彈性～

Photo from Pinterest

而「笑」呢個表情，幾乎係會運用到臉部所有肌肉， 所以平日多笑，訓練到臉部肌肉，就可以有效地支撐臉部肌膚 ，令臉部無咁易鬆垮！

Photo from Pinterest

# 有助減肥

英國神經學家皮契爾研究指出，大笑嘅時候身體會進行小規模嘅有氧運動，除咗會令心跳加快，仲會釋放出較多血液到身體其它部位。

Photo from Pinterest

研究同時指出，一般要消耗 100 Kcals需要舉重半個鐘，或者喺屋企吸塵約45分鐘，但原來大笑一個鐘同樣可以獲得呢個效果。

Photo from Pinterest

# 增加吸引力

相信大家都有聽過「吸引力法則 」， 人會無意識地接近一啲正面積極嘅人事物 ，而笑容正正就可以令你散發出呢種正能量嘅磁場。所以鐘意笑嘅女仔，比較能吸引到更多異性同埋同性朋友～

Photo from Pinterest

倫敦大學學院蘇菲史考特教授曾經指出，笑容同打呵欠一樣具有感染力 ～當我地聽到笑聲嘅時候，腦部負責笑嘅區域就會變得較活躍，會被笑聲嘅來源所吸引，準備以笑回應，因此鐘意笑嘅人，人緣都會特別好嫁！

Photo from Pinterest

Photo from Pinterest

Text：TopBeauty Editorial