35歲目測只有27歲！凍齡美人飲食法—必吃7種膠原蛋白食物，打造逆齡彈滑肌聖品！

都市人成日捱夜，加上年紀愈來愈大，膠原蛋白慢慢流失，一旦膠原蛋白流失，皮膚就會變得鬆弛、毛孔會變粗大，因此女生想抗衰老，首要任務就係補充膠原蛋白！以下8種食物，好好把它們記下來～

Photo from kelllycheung @ ig

＃1 銀耳

銀耳含有植物膠原蛋白，可以健脾開胃、滋陰潤肺。長食銀耳有潤膚、祛斑功效！另外，銀耳仲含有多種礦物質，例如鈣、磷、鐵、鉀、鈉、鎂等，其中鈣、鐵的含量很高，可以話係一種高級滋養補品，食糖水或者飲湯時，不妨多食銀耳～

＃2 番茄

番茄中嘅茄紅素可以保護皮膚膠原蛋白，有助撫平皺紋、抗氧化，令皮膚細嫩光滑！常吃番茄仲可以預防有黑眼圈出現。要注意嘅係，生、熟番茄功效都各有不同，番茄煮過後，所含嘅茄紅素較易被人體吸收；而未經烹煮嘅番茄，就有更多水溶性纖維同維他命B、C。

Photo from from Pinterest

#3 士多啤梨

士多啤梨中嘅維他命C可以促進膠原蛋白增生，令皮膚光滑及有彈性。如果你係喜歡加士多啤梨落乳酪到食，小秘訣係唔好將士多啤梨切成片狀或粒狀，盡量以原粒進食，咁樣士多啤梨嘅成分先唔會影響乳酪中鈣嘅吸收。

＃4 豬手

豬手含豐富蛋白質、脂肪同碳水化合物。豬蹄含有豐富的膠原蛋白，脂肪含量卻比肥肉低，但就豐富的膠原蛋白；多食豬手可以令多皮膚保持柔軟、細膩、促進毛髮與指甲生長。當然，豬手熱量唔低，女生進食時要注意～

Photo from Photo from kitchenmius ＠ ig

＃5 豬皮

豬皮含有大量膠原蛋白，可以減慢機體細胞老化。另外有科學研究發現，經常食用豬皮有延緩衰老作用。如果手腳經常覺得乾燥，搽極潤膚乳情況都無改善，食豬皮必定可以令乾燥肌「死而復生」！

Photo from Photo from 0.0.delicacies.0.0.0.0.0.0.0.0 ＠ ig

＃6 杏仁及合桃

杏仁含有豐富維他命E，可以抑制皮膚衰老，防止色素沈澱。而合桃則含有亞麻酸，可以滋潤皮膚，保持皮膚彈性。女生要汪意因為兩者熱量較高， 每日食用果仁應控制於30克內：杏仁20粒，合桃15粒最為理想。

＃7  魚皮

魚皮含有豐富的膠原蛋白，對美容、補鈣都好有幫助～加上魚皮膽固醇含量非常低，想食得養顏又擔心食豬手會熱量太高，魚皮會係個好選擇！

Text : TopBeauty Editorial