戴眼鏡也可以超美!化出李佳芯、岑麗香、石原聰美的超美假素顏眼鏡妝!

戴眼鏡也可以超美!化出李佳芯、岑麗香、石原聰美的超美假素顏眼鏡妝!

Beauty
ByClaireon10 Sep 2019

返工要長時間對電腦、望文件,戴con搞到對眼又乾又唔舒服,所以好多女生都會選擇戴眼鏡返工~唔想一戴眼鏡就望落又殘又冇精神?以下呢幾個「眼鏡妝」技巧你一定要知,來戴眼鏡扮假素顏吧~!

1.底妝要夠薄夠貼

戴眼鏡切忌底妝厚,因為眼鏡框同鼻托會容易整到粉底甩到一塊塊,猶如山泥傾瀉般!所以底妝一定要夠薄,上妝前做好保濕(前一晚敷定保濕mask最正),粉底應只上一層,其他部位如黑眼圈、暗瘡印等就改用遮瑕膏重點遮,就加碎粉定妝就可以啦!

Photo from IG

2.眼妝只畫幼眼線

戴眼鏡唔應該搽睫毛膏同眼影,因為會同眼鏡形成強烈反差,整體感覺好奇怪!想望落自然根據眼形只畫一條幼細眼線就OK,會有自然放大眼睛嘅效果~!

Photo from IG

3.唇色要自然粉紅色

戴眼鏡但配血盆大口實在太違和啦!應該揀自然嘅粉紅色唇膏,有變色潤唇膏當然最好,營造水嫩嘅粉紅唇色,望落成個人立即精神晒!

Photo from IG

4.胭脂選淺粉、範圍要較大

由於眼鏡會遮擋住臉頰位置,所以胭脂範圍搽得太細就會被遮住,容易令臉色蒼白!所以胭脂嘅塗抺範圍要較大,顏色要揀自然嘅粉紅色,並且忌落手太重!

Photo from IG

Photo from IG

5.眉型要柔和自然

由於眼鏡框已代替眉毛喺臉上嘅作用,眉型應著重自然同柔和,盡量用啡色同灰色等較淺色嘅眉筆畫,眉型亦應避免起角起得太勁~

Photo from IG

Text:TopBeauty Editorial

 

 


Share to Facebook