畫對眉形才說你懂化妝吧！ 5種面型配不同畫眉技巧，眉毛決定對方對你的第一印象！

眉毛一向都係面容嘅框架，化妝新手第一樣學習，又往往最難把握好嘅化妝技巧一定係畫眉～女生每日都咁堅持畫完條眉先去街，就係因為畫咗眉，望落去更加精神就不在話下，仲可以修飾面形呢～日本美容界流傳住一句說話：眉毛決定臉嘅80％印象。一條眉嘅形狀、顏色都可以改變一個人嘅觀感，學會掌握唔同面形同眉形嘅配對方法，就可以達到小顏效果啦！

Photo from fanfan @ ig

要記住，唔同面型就要配合唔同款嘅眉型，先可以有微調五官比例嘅效果，選擇好適合自己嘅眉型，仲可以有瘦面效果架！所以唔好再盲目畫一字眉了～以下就有5款面型配唔同眉型嘅建議，化妝新手同熟手都不妨參考一下，唔好因為一雙眉破壞你嘅整體觀感。

Photo from sammi_chengsauman ＠ ig

＃1. 圓面 配 高挑眉

－髮線、額頭現圓形曲線
－雙頰豐腴
－下巴圓潤
－臉嘅長度跟寬度均等
－望落去比實際年齡後生

面圓圓嘅女仔，千萬唔好畫無角度嘅一字粗眉，否則就只會好似蠟筆小新真人版咁。你哋適合眉尾上揚嘅高挑眉—眉頭、眉尾唔喺同一個水平線，而係有明顯弧度，可以有助收窄圓潤包包面面型，望落去就唔再咁脹。

Photo from from Weibo

雖然面圓圓係幾cute，落仲無咁顯年紀大，仲係童顏臉嘅最佳臉型。但因為圓面會令五官無咁立體，所以晝眉時要將眉形拉高、眉峰微微拉後、拉長眉尾，以修飾面形。

Photo from yanxi531 ＠ ig

＃ 2. 鵝蛋面 配 圓潤曲線眉

－面型細長
－面部整體輪廓呈橢圓的曲線
－額頭至顴骨及顴骨至下巴長度均等
－典型美人臉

Photo from kyoya_1122 ＠ ig

鵝蛋面係典型美人胚子面形，如果你係鵝蛋面女生，恭喜哂！你可以輕鬆駕馭任何眉型呢～想令人感覺溫柔啲，眉峰要晝得圓，眉毛亦要晝得飽滿一啲。啊Sa眉型畫得帶有角度，宋慧喬就係圓孤度感強一啲，只能說鵝蛋面真係好適合駕馭各種眉形啊～

Photo from choisaaaa @ ig

＃ 3. 方型面 配 新月眉

－可分為正方型及長方型面形
－臉形線條較硬朗
－下巴、腮骨的線條突出，陽剛味較重
－額頭、顴骨、下巴3點的寬度均等

Photo from yungchoyee @ ig

方型面千萬唔好畫又平又直又短小嘅眉形，由於本身面形線條已經好硬朗，又平又短小眉形會令你本身下巴、腮骨線條突出嘅地方更加明顯，整體觀感望落去變得「三尖八角」﹐非常之唔平易近人。另外，畫眉時都要注意兩條眉距離唔好太近，眉形要平，呈上升嘅畫法，眉峰要拉後至眉毛後方3/4左右嘅位置。

Photo from 0kittydad @ ig

＃ 4. 長臉 配 一字眉

如果你屬於長面，就可以利用一字眉「又粗又平」嘅特色，視角上縮短面部嘅長度，修飾面形。

Photo from fanfan @ ig

＃ 5. 心形面 配 平直眉

－額頭、顴骨較寬
－顴骨看來比較高聳、突出
－下巴較尖

Photo from dlwlrma @ ig

心形面屬於上寬下窄嘅面形，顴骨望落比較高同突出，下巴會較尖，所以畫眉冒，兩條眉距離要分開一啲，眉峰唔可以太近鼻樑位置，以平衡寬闊嘅額頭。稍粗嘅平眉望落去會令你變溫柔。范冰冰都鍾意畫平直眉呢～

Text：Girlslike Editorial

Photo source：Instagram, Weibo