B女下月出世！李亞男改為剖腹生女，遷就王祖藍檔期，確保兩人一起見證女兒誕生！
李亞男同王祖藍呢對甜蜜夫婦，今年暑假就宣佈造人成功，唔經唔覺原來下個月就到預產期啦～而準媽媽李亞男都已經開始為生女做準備，日前佢就被拍到開始籌備Baby Shower，要喺B女出世之前同朋友好好慶祝！雖然預產期將至，但即將成為爸爸嘅祖藍工作依然咁忙，預產期仲撞正佢演出舞台劇嘅日子，為咗唔想老公錯過BB出世嘅一刻，李亞男原本打算順產，但宜家決定要改為剖腹生女，等老公可以喺佢生BB嘅時候陪喺佢身邊，見證囡囡嘅誕生～
Photo from therivergirl@Instagram
李亞男早幾日就喺IG post咗自己自拍大肚相，仲透露BB係囡囡：「Bringing baby girl to a concert . she really loves music」
Photo from therivergirl@Instagram
而祖藍亦話過早排同太太去照超聲波拍四維照片嘅時候，見到囡囡似足自己，一樣係鼻大嘴唇厚，就唔係好似媽咪～雖然話大家都好期待BB會生得似媽媽咁靚，不過祖藍就強調無論B女似佢地邊一個都同樣會咁錫佢！
Photo from therivergirl@Instagram
李亞男透露B女嘅預產期應該係12月底，但咁啱撞正老公王祖藍喺12月尾到1月嘅《唯獨你是王》聖經音樂劇公演。原本已經計劃好要順產嘅李亞男，擔心老公會因為BB出世撞正演出，而錯過見證囡囡出世嘅一刻，最後決定改為剖腹產，仲擇好日子避開祖藍嘅演出時間。
Photo from wong_cho_lam@Instagram
據指李亞男本來好姊妹鍾嘉欣嘅建議，打算選擇順產，再加上醫生都話佢高大，順產好容易會迫到BB出來，適合順產，不過佢就話：「我可能無勇氣，但剖腹或順產都痛，到時睇我母性啦！」
Photo from therivergirl@Instagram
而為咗遷就番努力搵奶粉錢嘅祖藍，李亞男最後都係決定剖腹生女：「如果開刀佢話可以請到假；如果順產突然穿羊水，佢仲喺台上，我會好唔開心。」而王祖藍都坦言為此感到內疚，不過因為王祖藍演出嘅係聖經音樂劇，李亞男作為虔誠基督徒當然會全力支持～
Photo from therivergirl@Instagram
李亞男又透露B女嘅英文名已經改好，等佢出世之後就會正式公佈，大家都好期待兩位嘅BB出世，無論囡囡似爸爸定媽媽，相信都會係一個健康精靈嘅BB～
Photo from therivergirl@Instagram
Text：Girlslike Editorial
Photo Source：Instagram
