運動可減齡10歲！30+女生多做這2項運動，用最佳保養品打造不老身材～

多做運動對身體好係人都知，其實有運動習慣同無運動習慣亦對我哋嘅精神面貌有好大影響～30+嘅你，一定會發現自己身體機能大不如前，捱夜後第二朝一定面如死灰；喺辦公室坐得多，加上年紀大咗，新陳代謝減慢，腰間上多咗一團趕不走嘅肉，即使你努力節食都覺得無補於事......種種跡象顯示你絕對有必要將「我要做運動」由口號變成坐言起行嘅習慣了。

Photo from from @ coffee89921

根據《European Heart Journal》嘅醫學報告指出，有兩種運動有助於增加體內端粒酶嘅活性，可以預防衰老～呢項研究搵咗124人做測試，以每星期3次，測試期間為6個月，每次大約45分鐘。最後研究結果顯示有做「耐力訓練」同「HIIT高強度間接訓練」嘅人，端粒酶活性增加，愈高嘅活性意味住可以抑制細胞衰老。

另外，美國預防醫學期刊（American Journal of Preventive Medicine ）早前就刊登咗美國楊百翰大學嘅研究調查，從5823位嘅受訪者研究結果中發現，女性一星期跑步5日，每次跑30分鐘；男性同樣一星期跑步5日，每次跑40分鐘，呢兩組人對比於無跑步習慣嘅受訪者相比，有跑步習慣嘅受訪者體內端粒長度較長，相等於身體年齡年輕9歲。

1. 耐力訓練

耐力訓練嘅主要方式係做帶氧運動，例如長跑。無長跑運動習慣嘅女生，不妨以慢跑、快步走嘅方式令身體慢慢適應。當身體慢慢習慣咗耐力訓練，心肺功能就會得以提高，有助提高機體血液循環系統和呼吸系統的功能，亦有幫助維持身材～

Photo from from @ coffee89921

2.HIIT

HIIT意思係“High Intensity Interval Training” (高強度間歇訓練) ，原理是係以「運動+休息」相間嘅循環模式，於短時間內達到燃燒卡路里嘅效果。平日女生喺屋企，都可以運用小小嘅空間去做HIIT！除咗可以喺短時間內令你心跳加速，消耗卡路里外，HIIT仲有After-burn效果，意思就係運動後嘅休息時間都有持續消脂之效，更會令新陳代謝率提高！

Photo from from @ coffee89921

10分鐘燃脂帶氧運動推薦影片：

Text: TopBeauty Editorial