「我們都不要對彼此太好，剛剛好就好」徐若瑄的愛情哲學：幸福就是對自己負責任～

徐若瑄結婚4年，一直用心照顧老公、囝囝，經營婚姻，不過佢並無因為家庭而放棄自己熱衷嘅演藝事業，佢曾經話過幸福唔等於嫁入豪門，而係：「大家對幸福和夢想的價值觀不同。有些事還是得借我還原一下。能嫁一個顧家、互相體諒、互相尊重，並在婚後還願支持我繼續做自己喜歡的工作的好先生，是我的幸福。」佢更有一套獨特嘅愛情觀，佢認為幸福就係對自己負責任，呢個想法非常值得各位女生學習～

Photo from vivianhsu.ironv@Instagram

# 01「我們都不要對彼此太好，剛剛好就好。」

你之所以會愛上對方，並唔係因為佢對你，你愛一個人係愛佢本來嘅模樣，大家無掩飾，相處舒適自在，所以你唔需要刻意太過用心對對方好，因為咁樣遲早只會令自己太攰太辛苦，所以佢話：「我喜歡這樣，剛剛好的美麗。」

Photo from vivianhsu.ironv@Instagram

# 02「努力生活、盡力而為、享受表演，也不要忘了愛情一開始的樣子。」

徐若瑄鐘意有能力嘅自己，所以佢唔會因為結咗婚就將自己困喺屋企，而佢亦好幸運地嫁咗比一個完全支持佢嘅丈夫。即使用心工作，佢都會花時間去維繫婚姻，唔會成日周圍走，畢竟愛情唔係一個人嘅事，維持婚姻需要默契同體諒。

Photo from vivianhsu.ironv@Instagram

# 03「真正愛你的人，也不會一直說對不起，而是會停止做傷害你的事。」

徐若瑄覺得真正愛你嘅人，唔一定會講好多愛你嘅說話，但就會做好多愛你嘅事。所以愛你嘅人，都唔會忍心一直做傷害你嘅事，犯錯一次，你可能會原諒佢，但當不停犯錯，你會慢慢心淡，而「愛」應該係互相了解同愛護，而唔係去傷害對方。

Photo from vivianhsu.ironv@Instagram

# 04「永遠不要對愛情失望。時候到了遇到對的人，婚姻就很自然來了。」

徐若瑄喺愛情路上都有遇過挫敗，佢曾經以為自己唔會結婚，會乖乖地守喺最愛嘅屋企人身邊到老，但後來遇到宜家嘅老公，先發現自己遇上咗「對的人」，而愛情唔應該只係依賴對方，幸福其實自己都有責任～

Photo from vivianhsu.ironv@Instagram

# 05「當你愛一個人的時候，有些事，陪他反覆做也不會厭倦！」

愛，需要雙方長久嘅陪伴。當你真正愛一個人，你會樂於陪佢做任何事，愛情並唔係單方面付出嘅道理，只有互相陪伴，先可以廝守。

Photo from vivianhsu.ironv@Instagram

Text：GirlsLike Editorial

Photo Source：Instagram