2020走出舒適圈！人生需在無止境成長路中，學會獨處，輕熟女獨遊能學會的4件事～

獨遊似乎已經成為了新世代年輕人的潮流，有不少人可能會好奇到底獨遊有何吸引，隻身穿梭異地，聽起來危險又乏味～但只要試過獨遊嘅人都一定會明白箇中樂趣，確實有結伴旅遊時無法得到的體會～如果你希望旅程能感受更多，新一年一試試獨個兒旅行～認為一個人去旅行好悶？無伴才要孤零零去旅行？一個人旅行要準備很多？不安全？別再給自己藉口！一個人旅行可以體會嘅事情，遠遠比同朋友去感受更深，亦都無你想像中難關重重。各位輕熟女，今年就承諾自己：勇敢些吧！來一躺能夠令自己放鬆、有領悟的旅行吧！

Photo from pimtha ＠ ig

＃1 學會聆聽自己嘅意願

生活上扮演唔同角色，令我哋學會迎合身邊人：父母、上司、朋友......已經學會遷就別人嘅你，真的有好好聆聽過自己嘅需要同意願嗎？旅程應該如何計劃、應該搭車定搭船、食西餐定中餐......每一件芝麻綠豆嘅事都要自己決定，無得依賴、無得求其，都唔需要在乎其他人睇法，唔可以事事都問人哋意見，好好聆聽自己嘅意願吧！

Photo from wongtsuiyu @ ig

＃2 更了解自己的優點、缺點

開始了獨遊嘅改變， 就係輕熟女「成長」嘅開端。改變，唔一定為你帶來預期嘅結果，你可能會發現自己手捉無措，運氣唔好時，即使你有多多準備都有機會處處碰釘，但獨遊本來就不失係一個令你急速成長嘅方法。有咗獨遊嘅改變，你會發現從恐懼，盼望，等待，忍耐，你可以更加了解自己。自己係個善於表達嘅人嗎？享受跟自己獨處嘅時光嗎？發現自己過於依賴電子產品嗎？從獨遊中更認識自己、上一堂輕熟女成長課吧～

Photo from pimtha @ ig

＃3 一支公就索性隨心所欲吧！

同朋友去旅行，就係吃喝玩樂為先，爭分奪秒去下一個check point打卡食嘢，行程安排得滿滿的，每晚都攰到不似人形地入睡。但當得你一個人嘅時候，就唔需要受旅伴規範，做啲自己真係想做但平日又實行唔到嘅事，連續兩日花半日呆在cafe、留在民宿中看完一本小說，獨個兒去海邊曬太陽，難得一支公，何不索性隨心所欲！

Photo from misselvani @ ig

#4  學會隨遇而安的道理

可能你係事事追求完美，計劃周詳嘅女生，但其實過於極端嘅話，就係一種過度規範自我嘅行為，逼得自己太緊，稍有偏差已經令你坐立不安，友重自己精神健康負擔。take it easy啦！試過獨遊後，你就會發現即使行程安排得天衣無縫，往往都係有意想唔到嘅事會「打亂」你嘅大計。好多美好嘅風景，都係路途中迷路時無意嘅大發現，學會容許「自我迷失」去等待驚喜吧！意料之外嘅事會成為你意想不到嘅收穫！

Photo from wongtsuiyu @ ig

Text: TopBeauty Editorial