成功留住他的眼球吧！4款增加異性緣髮形，約會、派對就弄這個髮形催旺桃花運吧～

By Michelle on 04 Dec 2018

Digital Editor

Life is short, don't be lazy . Be your own idol to enjoy every moment !

一個自然、隨性的嘅型，總對可以令男士們對你更有印象，留低好嘅第一印象，總對有助催旺桃花，不論係小鮮肉定係成熟男，都成功被你迷倒～女生想喺節日派對上搵到如意郎君？不妨參考以下4款髮型，一於轉下形象，話唔定就此結識你嘅真命天子～

Photo from smyphoebe @ ig

＃1 長直髮

陳奕迅嘅歌都有得唱「最美麗長髮未留在我手，我也開心飲過酒」～一把又長又順滑嘅直髮，永遠係男士們情有獨鍾嘅髮型類別，大概係每人讀書時期認識嘅女神，都係留有柔順嘅長直髮，一把無添加髮形，無經過漂、電、染，髮質自然靚，仲可以有「光環」～如果你自問都係好懶打理自己嘅髮型，又希望可以透過髮形留住男神嘅目光，用心打理好你而家嘅一把長頭髮，定時做頭髮護理，約會時用光環加上迷人背影留住佢嘅眼球吧！

Photo from gaoyuanyuanfans ＠ ig

＃2 馬尾

跟長直髮一樣，由於男士們都鍾意情乾淨俐落嘅髮型，馬尾嘅爽朗同清新感，就好似帶男士番去中學年代，你嘅一頭馬尾，喚起男士對那些年女神嘅印象，喺男人都忍唔住望多兩眼！唔好覺得紮馬尾好娘，唔想髮型充滿「古代感」，又貼又直咁「娘」，可以將過長嘅前陰剪短至下巴位置，綁馬尾時再拉出前陰，以及耳仔兩邊嘅頭髮，以作修飾面形之用，再將髮頂嘅頭髮輕輕拉鬆，營造層次感之餘，又可以達至「小顏」同「微增高」效果！