新一年更獨特更自信！Peter Philips傳授2019年彩妝秘訣，親臨海港城FACESSS感受Dior Backstage系列的魅力～

By Aisa on 07 Dec 2018

一個追逐夢想的女生，深信未來是屬於相信心中美夢的人。

唔經唔覺又嚟到一年嘅尾聲，準備踏入2019年，新一年當然要比今年更迷人，想做個更自信嘅你？就由Dior彩妝創作及形象總監Peter Philips向大家傳授嚟緊最流行嘅彩妝趨勢，佢認為2019年嘅彩妝重點，係要先打造自然而完美嘅底妝，再配合色彩，創造出無負擔且多變嘅妝容，提升女性自信，以獨有嘅方式，展現每個人嘅美麗——自然、清新、時尚、獨特～

Photo from Dior

# 明年底妝趨勢 - 貼服自然煥發光芒

2019年會以自然光感底妝為重點，要打造淨透嘅底妝，當然要選擇質感輕透而高遮暇度嘅粉底液。而Dior專業後台持色粉底（多用途）就可以輕易做到呢個效果～

「這是我的重點產品，以玫瑰色、橄欖色、黃色、米色等6種顏色為基礎，由此延展出深淺色調。最終呈現出40款色調，使得每位女性都能找到最適合她膚色的粉底液。」Peter Philips深信彩妝產品必需容易使用，且能夠迎合唔同人嘅需求，於是非常貼心，為咗可以令女性擁有最自然，貼近自己皮膚嘅底妝， 40款色調嘅粉底液除咗提供唔同深淺度，亦能呈現各種女性嘅膚色，液態質感令粉底彷如你嘅第2層肌膚，擺脫如面具般厚重嘅妝感。

Photo from Dior

完美嘅底妝當然唔少得立體感，亞洲人輪廓無咁深，所以要靠打亮同修容來突顯輪廓。Dior專業後台光影組合包含自然到突出嘅色調，即使任何膚色、各種妝容都可以輕鬆打造～較淺色嘅一格可以當作光影使用，淺粉色一格用作胭脂，令五官更突出及增添氣色～再配合Dior專業後台修容塑顏組合修飾面部輪廓，令你嘅妝容比旁人更出色。

Photo from Dior

# 明年眼妝趨勢 - 多變的層次感

想妝容更有神，突顯女性魅力，關鍵在於眼妝。明年眼妝趨勢講求多變同層次感，Dior專業後台眼影組合入面有齊冷色調同暖色調嘅組合，讓你打造各種眼妝，由日常妝轉做 Party look 就無難度啦～

而呢盒九格眼影入面仲藏有秘密武器，左上角一格係眼部底霜，眼妝前輕輕塗上，可以令眼影更顯色同持久，唔洗再因為溶妝而尷尷尬尬～

Photo from Dior

# 明年唇妝趨勢 - 自然立體

來年依然會以精緻、豐盈唇妝為主流，使用單色唇膏打造出簡單自然又精緻立體嘅唇妝。Peter Philips：「我想同時為女性創造簡單的單色唇妝，和更為精緻的漸變唇妝。」Dior專業後台美唇組合由自然、亮澤到啞緻嘅色調都一一包含，一盒可以應付淡、濃各種妝容嘅需求，令整個妝容更奪目。

Dior亦有推出同系列嘅化妝掃，配合使用可以令妝容更精緻，無論底妝、胭脂、光影同眼影都可以呈現出最佳妝效，就好似Peter Philips咁講：「工欲善其事，必先利其器。」

而位於尖沙咀海港城Facesss嘅Dior Backstage Studio已經華麗升級，有別於平時我地見到嘅Dior美妍專櫃，Dior Backstage Studio以型格亮黑色調為主，配合幻彩光影霓虹燈效，讓人猶如身在時裝展嘅後台～而各款Dior Backstage專業後台彩妝都可以喺呢到搵到，你地都快啲嚟海港城Facesss嘅Dior Backstage Studio體驗一下Dior Backstage嘅魅力，讓你來年綻放光芒啦～