行路慢的人較快樂！研究：走路速度可看出一個人的快樂指數，行路快的人較不快樂同精神緊張！

試回想返你平日喺條街到行路時，會唔會習慣嫌旁邊路人行得慢，成日想行快啲？就早前於JAMA - The Journal of the American Medical Association所發表一份研究，原來行路速度可以代表一個人嘅快樂指數，從而影響個人生活同處事態度等～！

研究人員Dr. Stephanie Studenski表示「人們會選擇最適合自己的速度行走，認為生活要達到這樣的速度才是舒適的。」所以行路速度快嘅人，習慣以緊急嘅腳步行走，一心想要到達目的地，對於途中嘅障礙物會感到煩燥同精神繃緊，想要盡快避開佢地～

呢種其實係反映咗人本身嘅思考同處事模式，即係行路快嘅人平日都係比較神經質，做事較急同難放鬆自己，所以有較多負面思想，快樂指數因此較低。

而行路慢嘅人則較懂得享受生活，因為佢地通常較有耐性（對阻礙前進嘅路人、紅綠燈等較唔會不耐煩同憤怒）、處理事物態度相對較寬容，因此佢地心情比較放鬆，快樂指數相對較高～！

但如果你當行路快係一種運動咁又點計？研究話，行路快係咪有助健康其實在於「心態」，即係你覺得自己行路快係做緊運動時，先會對健康產生明顯影響。

如果你只當行路快係一種習慣，心入面成日諗住想行快啲、同嫌路人行太得慢等，就唔一定有助健康㗎～！

所以，唔好成日抱住負面心態去行路，有時放慢腳步就等於放鬆心情，對改善性格急燥有幫助，待人處事態度亦更好～！

Text：GirlsLike Editorial

Source：JAMA - The Journal of the American Medical Association

Photo source：Pinterest