【十八年後的終極告白】楊秀惠好友孟希璘入行首部劇集好戲獲網民關注

By Winky on 27 Apr 2020

Digital Editor

熱播懸疑劇《十八年後的終極告白》雲集不少好戲之人，當中飾演啞妹楊秀惠老友Jackie的孟希璘憑中性打扮，亦相當搶戲。在新劇中好體貼，經常照顧飾演聾啞人士的楊秀惠。

Photo from ig@ballmang

孟希璘曾在四川師範大學修讀編劇及導演系，畢業後曾在當地創業，做過服裝、手機殼及珍珠奶茶等生意，至2017年回港報讀第29期TVB藝員訓練班，自2018年開始拍劇，參演過《愛．回家之開心速遞》、《BB來了》、《鐵探》、《解決師》、《金宵大廈》等，而演出角色亦有好多變化，除男仔頭的形象外，還有女僕look、學生妹、警察等，形象多變。

Photo from ig@ballmang

《十八年後的終極告白》是她入行以來第一部較多戲份的劇集，她在社交平台留言說：「入行第一套接拍嘅劇，仲記得一開始咩都唔識，最基本嘅嘢都未了解，已經要拍一個完整嘅角色，真係一個挑戰，每一日都好緊張，同時好興奮，好多謝監製畀一個咁多戲做嘅角色我，我知道一定好多位做得唔好，好大進步空間，不過就係呢一套開始，激起我知道太多太多嘢要學，無論之後咩角色都好，都要繼續學習，繼續諗吓點樣進步。」她又感激楊秀惠和何遠東非常照顧她，教她很多演員的基本功。