《大帥哥》張衛健後生照片被激讚：「靚仔過所有小鮮肉！」公開光頭22年的背後原因～

Beauty

By Aisa on 14 Dec 2018

一個追逐夢想的女生，深信未來是屬於相信心中美夢的人。

近期TVB熱播劇集《大帥哥》備受關注，受到唔少觀眾嘅喜愛，男主角張衛健功不可沒～張衛健光頭造型嘅造型我地平時就見得多，但近日有網民搵番佢出道初期仲未剪光頭嘅劇照，大家都不禁大讚：「張衛健年輕時帥氣堪比吳亦凡、鹿晗！」

張衛健1985年出道之後，演出過唔少作品，而且每套都深入民心，《少年英雄方世玉》、《少年張三豐》、《鹿鼎記》、《齊天大聖孫悟空》等劇相信大家都好有印象。

而近日張衛健年輕時未剪光頭嘅照片就被翻出，網民們都紛紛表示：「張衛健靚仔得嚟有男人味！」、「靚仔到好夢幻」～

不過張衛健宜家同以前個樣其實分別唔大，不過有頭髮嘅造型令佢望落更似一個少年，可以駕馭到不同髮型，連光頭都咁型仔，令網民們都話：「這就是真正的『大帥哥』啊！」

張衛健年輕嘅時候，眉清目秀、唇紅齒白，迷倒唔少觀眾～當時俊俏嘅樣貌完全唔會輸比宜家啲「小鮮肉」呀！

自從拍攝《西遊記》後，張衛健就一直都維持住光頭造型，即到近日佢接受訪問，公開自己22年一直光頭嘅原因，原來係因為前輩嘅一段說話～當年拍畢《西遊記》出演孫悟空，有位前輩想邀請佢拍電影，於是張衛健就開咗一個合理嘅價錢比對方。但無諗到嗰位前輩竟然話：「衛健，你不要以為你演完《西遊記》之後在香港很紅，我告訴你，你在中國的知名度是零！送你一句話吧，記住！你的臉上沒毛，你是不值錢的！」