想美容不一定要貴價補品！4種有「平民燕窩」之稱的美顏恩物，親民價錢但燕窩功效～

想美顏潤膚其實唔一定要食一啲貴價嘅花膠、燕窩～就算平價食物營養都可以拍得住呢啲食物嫁～今次就推介大家4種有「平民燕窩」稱號嘅食材，等大家可以慳住錢嚟變靚啦～

1.雪耳

雪耳又稱銀耳或者白木耳，係寄生於朽腐嘅樹木上嘅真菌類。雪耳有豐富膠原蛋白，含有多達17種氨基酸，可以促進新陳代謝，保持皮膚彈性，減少水份流失～除此之外，雪耳仲有滋陰潤肺嘅功效，啱唒成日咳嗽、口渴、肺虛人士食用，而且一個雪耳大約只要$5，因此有「平民燕窩」之稱！

Photo from Pinterest

2.雪燕

雪燕都係近年興起嘅平價滋補食品之一，唔單止價錢親民，美顏功效都唔少，味道同口感仲同燕窩極其相似，不過價格就只係燕窩嘅十份之一！雪燕雪燕樹中嘅分泌物凝固而成，屬純植物膠質，雪燕具有滋陰潤肺功效，同時可以美容排毒，定期食用有助潤腸通便、清理腸胃，幫助身體排出毒素，保持皮膚白滑。

Photo from Pinterest

3.桃膠

相信大家對「桃膠」呢個名一啲都唔陌生，桃其實係天然樹脂，取自桃樹中分泌樹脂，價錢便宜，口感食落似啫喱煙韌，具滋陰養顏功效，而且對潤腸、通便好有幫助，腸道健康咗皮膚質素自然都會提升啦！

Photo from Pinterest

4.雪蓮子

雪蓮子係皂角中嘅果實，含豐富蛋白質同氨基酸，可以增強人體免疫力，同時有抗衰老作用。雪蓮子有豐富植物膠原，纖維素高，有助排毒，同桃膠係「美顏孖寶」，兩者同時食用滋潤度亦會加倍！

Photo from Pinterest

Text：Girlslike Editorial

Photo Source：Pinterest