吳奇隆、劉詩詩結婚3年一索得子！工作減量全力照顧愛妻，網民：善良温柔的詩詩值得一切美好的～

吳奇隆同埋劉詩詩呢對夫妻出名甜蜜，當年因為合作拍攝內地古裝劇《步步驚心》戲假情真譜出愛歌，2015年舉辦浪漫海島婚禮完婚，見到四爺同若曦現實中可以再續前緣，當時超多粉絲得知消息都好開心～結婚咁多年件，呢幾年都好少再見到兩人出現喺螢光幕前，吳奇隆曾經透露，係因為要照顧家庭而幾乎息影～結婚3年，吳奇隆琴日喺微博上話：「我們懷著激動喜悅的心情期待家庭的新成員，謝謝大家關心」 呢對恩愛夫妻終於傳來喜迎第一胎好消息！

Photo from from Sina

吳奇隆同老婆劉詩詩結婚之後，就好少喺螢光幕前曝光～佢地二人以前幾乎每年都會有4、5部作品，後來戲劇量大減，而吳奇隆幾乎都係用客串角色嘅身份出現，劉詩詩就由2016年起就無新作品，而且都幾乎無再喺微博上面更新～呢對夫妻非常低調！

Photo from 隆詩吧@Weibo

回望兩人相識相知相發嘅經過，其實「四爺」吳奇隆早就已經對「若曦」劉詩詩情根深種，但係男方當時怕自己只係入戲太深所致。一直等到拍完《步步驚心》，再次合作《步步驚情》先確定自己愛意，跟劉詩詩告白～好似吳奇隆呢一種唔會亂播情種嘅男人真係好吸引呢～

2016年，兩個人正式喺峇里島酒店舉行婚禮成為夫妻，當日二人都感動到喜極而泣，深情對望嘅眼神真係旁人都感受到佢哋之間對彼此嘅愛意～

Photo from 隆詩吧@Weibo

Photo from 隆詩吧@Weibo

吳奇隆早前接受訪時候就透露，以前只要半個月無工作自己就會好著急，但同劉詩詩結婚後嘅呢兩年，重心幾乎都放喺家庭，因為佢認為自己都好需要時間同家人相處。

Photo from 隆詩吧@Weibo

仲記得當時吳奇隆喺婚禮上告白：「我也不止一次的埋怨過老天， 以前覺得老天對我不公平，讓我經歷很多奇怪的磨難、不開心的事情，現在我也明白為什麼，因為他把最好的留给我。在最好的時候，遇到最好的你，這就是愛情！ ​」

Photo from 隆詩吧@Weibo

兩人婚後生活低調唔張揚，鮮有公開放閃，但就經常被目擊幸福嘅生活日常～網上不時流傳夫妻二人會互相探班，拍拖去街街，吳奇隆都係對太太劉詩詩有無微不至嘅照顧～有一次仲親手逐粒逐粒栗子剝好，送到劉詩詩嘴邊，天下間除咗父母，大概只有愛你嘅枕邊人先會咁做～

雖然呢對幸福戀人過得美滿，但外界始終針對二人久婚不育嘅事，不時有刻薄嘅報導話劉詩詩生唔到bb，無形之中為呢對小戀人給予好大壓力。近日吳奇隆媽媽親口證實媳婦劉詩詩有咗bb嘅消息：「5個月了，家裏所有人都高興！」，經理人亦證實劉詩詩一索得子，預產期係出年5月，兩公婆喜迎第一胎嘅喜訊！

據佢哋身邊好友透露，雖然劉詩詩懷孕5個月，會出現出現害喜孕吐嘅情況，但精神相當不錯，劉詩詩天生一副美人胚子，相信陀bb之後更會變成超靚仙氣媽媽～一班粉絲都好痛惜劉詩詩，外界一直評論佢哋兩公婆，如今終於能夠擁有愛情結晶品，開心咁話「善良温柔的詩詩值得一切美好的」，可見吳奇隆同劉詩詩呢對係幾咁受大家愛戴～可以遇見對方，跟最愛嘅人生兒育女，真的好幸福～期待詩詩嘅小豬bb出世見大家～

Text： Girlslike Editorial

Photo Source：weibo