發哥韓國節目上分享做善事原因！「人死後無法帶走錢財，將金錢留給有需要的人」～

發哥（周潤發）不嬲出哂名有善心，早前仲透露過離世之後將會捐出所有財產予慈善用途，此事唔單止引起香港網民熱烈討論，更喺韓國成為一時熱話，引來韓國電視台MBC節目《真實故事探索隊》到港採訪發哥，而發哥亦喺節目上分享咗捐出身家嘅原因。

Photo from Weibo

發哥喺韓國有一定知名度，佢嘅電影《英雄本色》喺當地好受歡迎，而佢個名亦多次喺韓國節目入面被提及到。早前佢就透露會於去世後，捐出自己全部身家，此事除咗引來香港人討論外，亦喺韓國成為熱門話題，有唔少人都好佩服佢。

Photo from 《真實故事探索隊》

韓國電視台MBC嘅《真實故事探索隊》節目組更因此而來港採訪發哥，了解佢捐出財產嘅背後原因。節目一開始，發哥被問及太太對呢個決定有無微言，發哥毫不猶豫地表示老婆都好贊成呢個做法，佢地夫妻二人一向都好支持慈善，好有善心。

Photo from 《真實故事探索隊》

至於點解要捐出身家，佢就認為人死後，無辦法帶走錢財，既然唔可能永遠擁有，佢寧願將金錢留比其他人用，所以佢就思考呢筆錢應該用喺咩地方，最後覺得可以給予有意思嘅機構或者需要錢嘅人。

Photo from 《真實故事探索隊》

節目組仲搵番1989年發哥出席韓國節目嘅片段，當時佢已經熱衷於慈善，仲透露自己錄完節目第二日嘅行程係慈善演出，呼籲富人捐錢以及為有需要嘅兒童提供援助。而《真實故事探索隊》播出後，周潤發仲立即登上韓國熱門搜尋榜，可見發哥嘅人氣有幾高，而佢充滿善心嘅個性真係好值得人學習。

Photo from 《真實故事探索隊》

Text：GirlsLike Editorial

Photo Source：《真實故事探索隊》,weibo