最佳女主角兼最佳女朋友！貼地女神李佳芯8個戀愛態度，「兩人交往開心、舒服和溝通到，就不存在女尊男卑」

近年李佳芯（Ali）憑住《誇世代》和《BB來了》成功彈起，更拎咗視后，良好形象深入民心，進一步穩固佢嘅女神地位。而現實中Ali和男友陳炳銓亦非常恩愛，縱然兩人曾被外界認為唔匹配，Ali仍堅守好女友嘅角色，而佢嘅8個戀愛態度十分正面，好值得我哋一班女生學習。

Photo from aliaime @ ig

1.不以年齡作界限

今年年尾將近36歲嘅Ali，從來都唔會因為年齡而定下結婚生子嘅打算。當依個社會充斥住中女要盡快搵人「埋單」嘅說話，Ali卻選擇按自己嘅步伐而行。女生要相信，每個女人追尋幸福嘅道路都唔同，唔好因為趕上適婚年齡而下嫁一個唔合適嘅人。咁樣嘅婚姻，比單身更難過！

Photo from aliaime @ ig

2.妥協便能同步

Ali好清楚知道戀愛嘅步驟，代感情穩定先帶男友見家長，再進一步同居試婚。女生要學懂真誠同對方溝通自己渴望嘅步伐。例如認為對方提出同居嘅要求太快，可以坦白講出自己嘅憂慮，切勿為討好對方而做出違心嘅決定。

Photo from G@danny_cpc

3.學懂為對方護航

Ali和男友從來都是愛得平淡嘅一對，行街食飯、行山、看日落係他們常做嘅拍拖行為。報導曾抨擊女尊男卑，Ali就話：「只要兩人交往時感覺開心、舒服和溝通到，就不存在女尊男卑。」更話男友有好多幕後工作，幕前幕後根本無得比。的確男友最近執導新劇，一直都非常上進。一段關係，未必會得到所有人嘅祝福，有時甚至不被父母看好。喺依種情況下，嘗試多點替男朋友講好說話，令你哋嘅關係更鞏固。

Photo from aliaime @ ig

4.互相學習，一起進步

陳炳銓由2007年開始已經擔任教戲老師，而且精於幕後製作。喺演戲依個範疇上，佢教咗Ali好多知識，兩人經常研究戲劇。常言道，搵另一半不需要找一個完美嘅人，要搵一個和他在一起，自己變得更好，生活得更快樂嘅人。女生若能從男方身上學習到唔少做人道理，咁係相當理想嘅一段關係，不妨向對方多表達感謝嘅心聲呢。

Photo from aliaime @ ig

5.不要放棄夢想

有唔少女生喺戀愛之後，對事業忽然無曬幹勁，甚至將當初熱衷追求嘅夢想拋諸腦後，最後發現人生好似全圍住男友打轉，失去咗自己本來要追求嘅人生。其實咁係一個相當危險嘅做法，女生不妨睇睇Ali嘅戀愛態度。佢喺拍拖之後仍追尋自己嘅演戲夢，甚至有咗男友後顯得更有動力，默默耕耘下終於由女配角升為女主角。

Photo from aliaime @ ig

6.給對方安全感

由於擁有美麗嘅外貌，Ali縱然已有男友，難免仍吸引唔少狂蜂浪蝶。但係Ali嘅做法就係同異性保持適當距離，從無自製緋聞，日常生活都好健康，不時行山和外出細味咖啡。佢好少和男藝人有親密舉動，最多嘅反而係和一班女藝人打成一片。刻意當緋聞絕緣體嘅做法，明顯係向男友派定心丸。

Photo from aliaime @ ig

#7 放下外表登對的關口

有人話Ali和男友係「美女與野獸」嘅組合，實在係唔襯！女生要時刻問自己，你自已所需要嘅愛情係咩？係一個帶出街可以威和帥氣嘅男友，定係一個懂你、疼你嘅伴侶？正如真正懂我嘅人一定能明白我嘅魅力所在，不妨放下第一眼就心動嘅假象，和一些外表睇起嚟無咁耀眼嘅異性相處，從心去認識、了解，慢慢或許你會發掘到佢嘅個人魅力！

Photo from aliaime @ ig

#8 恩愛不用放閃

Ali和陳炳銓嘅戀人關係已經唔係啲咩秘密，然而兩人都選擇低調處理。有些情侶喜歡喺蜜運時向全世界宣示佢嘅幸福，因此忍唔住選擇喺網上放閃。而有一批情侶相愛多年，卻未曾見喺個人社交平台上大放閃光蛋。咁代表唔夠愛？對現階段嘅愛情無信心？相反好多都係互相傾慕嘅神仙眷侶，佢哋寧願花多點時間為對方付出，多於花精力上截甜蜜照呃like。畢竟你哋嘅甜蜜，係唔洗靠like數去證明。

Text：Girlslike Editorial

Photo Source：Instagram