47歲黎姿上傳搭飛機自拍照！淡妝被網民大讚無走樣，公開凍齡方法～

47歲嘅黎姿，自嫁人之後就淡出娛樂圈，一心打理美容生意，同埋照顧因車禍而行動不便嘅弟弟黎嬰，成為女性都好佩服嘅對象。早排聖誕節，黎姿難得有假放出去玩，喺IG上傳咗飛機上嘅自拍，被網民大讚係一名美魔女！

Photo from gigilai_official@Instagram

一直忙於打理生意嘅女強人黎姿，早前聖誕節難得有假放，就同家人一齊去散心。佢喺IG上Post咗飛機上嘅自拍，講到：「乘搭了十多小時的飛機，雖然很疲憊，但終於可以跟家人放一個悠閒的假期，心情特別興奮！」引來網民討論，大家嘅著眼點都落在黎姿兩張自拍上，大讚佢雖然有化淡妝，但坐咗10幾個鐘飛機，皮膚都依然細緻，就算將近50歲，臉容都無咩太大改變，係一位名符其實嘅美魔女，令人非常羨慕！到底呢位大美人有咩保養秘訣呢？

Photo from gigilai_official@Instagram

# 01定期修整眉毛

黎姿本身擁有女仔都好羨慕嘅濃密眉毛，不過唔好以為條眉好粗好濃就係一件好事呀，要識得保養同打理，先可以維持到一對秀氣嘅眉毛，黎姿話以前自己唔識修眉，搞到個樣睇落去好惡，宜家佢將眉毛漂淺咗，每兩日修整一次眉毛，個樣睇落都親和好多～

Photo from gigilai_official@Instagram

# 02從小開始護膚 拒絕整容

黎姿14、15歲入行拍戲之後，佢媽咪就提議佢去上護膚班，於是佢就按照美容師嘅方法去護膚，後來呢樣興趣竟然成為佢嘅事業！時下好多人為咗追求美麗會去整容，黎姿就話自己從來無考慮過，因為唔適合佢。

Photo from gigilai_official@Instagram

# 03美容小習慣

黎姿最鐘意就係喺冬天浸熱水足浴，促進血液循環，有助身體排汗，如果冬天比較難排汗嘅人，呢個係一個唔錯嘅方法！

Photo from gigilai_official@Instagram

# 04清潤湯水更勝補品

雖然好多人都會以為黎姿老公咁錫佢，一定會買好多補品俾佢進補，但其實黎姿係唔食補品嘅。佢坐月嘅時候都只係多飲清潤湯水，少食生冷食物，但鹿茸、人參等等補品佢都食唔慣，而花膠嘅口感佢就更唔鐘意。

Photo from gigilai_official@Instagram

# 05營養餐單目的去水腫 不是減肥

黎姿唔會節食減肥，不過佢有營養師為佢設計嘅營養計劃，目的係去水腫，而唔係減肥。而日常飲食當中，佢鐘意食清淡新鮮嘅食物，大約有七成食物都係清新口味，例如係蔬菜沙律，焗麵包或者水果等。

Photo from gigilai_official@Instagram

至於有機肉，會以清淡方式烹調，令佢可以食到肉原有嘅鮮味。黎姿好少食煎炸食物，不過都鐘意食辣，所以有時會食少少。

Photo from gigilai_official@Instagram

Text：GirlsLike Editorial

Photo Source：