懷孕8個月只胖了3kg！陳意涵陀B像少女，零孕味瘦身去水腫靠飲黑糖薑紅茶～

相信唔少人睇完《比悲傷更悲傷的故事》都哭到快要往生一樣，飾演女主角嘅陳意涵早前就撐住個大肚子出席慶功宴。雖然陳意涵已經陀b  8個月，但小妮子仍然手腳纖細，行動自如，可以話係零孕味之餘，仲係散發陣陣少女味！佢就透露，陀b之所以陀得咁穩身材又無大走樣，全靠飲食同運動維持健康同體態～陳意涵又透露陀B其間只增磅3公斤，真係等如我哋平時打多兩次邊爐增加嘅磅數～（笑）

Photo from from Weibo

陳意涵係馬拉松愛好者，就算陀b都依舊有做運動習慣，跑步、行山、瑜珈，樣樣齊！連陳意涵本人都話「要不是低頭看不到鞋，我真的常常忘記自己是個孕婦」已經陀b 33週，仍然活動自如，呢位小妮子真係幾勁！

Photo from from Weibo

Photo from from Weibo

第一胎當然會特別小心，陳意涵本身就有做開運動，懷孕期間都會透過運動培養好體格，唔想陀b咁辛苦咁攰，陳意涵就選擇加強腰、腹部嘅核心訓練，以提供足夠支撐，負托胎兒嘅重量，減輕自己腰酸背痛嘅問題。

Photo from from Weibo

另外，孕婦做帶氧運動，都有助改善孕吐等不適。女人最怕生完bb後會妊娠紋，帶氧運動就正正可以促進血液循環，減少妊娠紋嘅產生！好似陳意涵咁，佢就曾經分享自己陀b 5個月時，會有慢跑習慣，各位準媽媽運動時最緊要量力而為～

Photo from from Weibo

Photo from from Weibo

皮膚可以晶瑩剔透，紅粉緋緋，全靠蔬果！陳意涵鍾意食蔬果嘅程度，已經變得生活上程要嘅部分，見到佢成日拎住蔬果，或者食健康食品嘅相，你就會明白點解佢會有如此令人羨慕嘅膚質。

Photo from from Weibo

Photo from from Weibo

紅蘿蔔可以提供豐富維他命同纖維，即使陀b期間，所以陳意涵嘅體型都無水腫情況出現～而且蔬果有助排毒，令肌齡可以維持於年輕狀態，淡妝時都紅粉緋

Photo from from Weibo

最後一樣嘅絕密武器就係保溫杯！陳意涵習慣飲薑茶、咖啡同紅豆水，四季不間斷每日喝。而薑茶更係自己磨薑，自製黑糖薑茶～佢話：「我都自己煮薑茶，把薑磨碎，加入煮開的紅茶、黑糖、薑黃，所以我常常在家裡磨薑，是夜夜磨薑的女人。」薑紅茶可以幫助祛寒健胃、活血、養顏，還能排除多餘的水分，加速新陳代謝，令體溫升高，提高基礎代謝率，自然就無咁易肥喇。 女生想瘦身，最簡單直接方法就係戒飲凍飲，大家記住喇～

Text：Girlslike Editorial

Photo Source：Weibo