OL福音！日本佛心公司推出20日有薪「養肌假」，生暗瘡、M到敏感可以攞正牌比皮膚休息！

皮膚好壞決定一個女人心情，那怕只係一粒豆豆，又或者上妝乾少少，都足以令你一整日周身唔安樂。係人都知化妝化得多，皮膚會變差，但皮膚唔好，又唔可以唔化妝見人，唔去街都總要番工掛？結果都係要帶住個面具，強忍住放工落妝時會發現火山爆發嘅情況，化住個厚妝番工。

Photo from fukishalj ＠ ig

日本 Naris 娜麗絲化妝品企業，好比佛心公司，皆因佢哋推出20日有薪「養肌假」畀員工，當員工自覺需要放「養肌假」時，就可以申請，計落每個月嚟m請一日「養肌假」，一年都仲會淨低8日「養肌假」！簡直就係人類嘅福音！

香港老闆做嘢講求效率，員工要有CP值，放假都要早一個月申請，發住燒都要「扮工」，總之請你番嚟就係工作，工作，工作！到底點解 Naris管理層咁「豪爽」，開設「養肌假」概念呢？

Photo from sakisato29 @ ig

Naris 貴為化妝品企業，所以非常重視旗下員工嘅肌膚狀態同儀容！於推行有薪「養肌假」之前，Naris 就曾經向1000名女性進行調查，當中有：

75%人士認為，如果加班時間過長，皮膚狀況便會變差；52%人士認為，臉部皮膚出現狀況會影響工作意欲；28%人士認為，臉部皮膚狀況欠佳會令佢哋喺招待客人時容易留下壞印象；22%人士認為，臉部皮膚出現狀況會令集中力下降。

有說中了吧！相信女生們都有共鳴，如果番工當日皮膚狀況唔好，真係無咩心情，唔會想笑臉迎人，特別係生豆豆，皮膚敏感，真係超高技巧嘅化妝都難以將瑕疵隱形，仲點笑得落？！

而 Naris 都非常體諒員工呢一點，與其要勉強員工心不在焉地上班，倒不如畀佢哋放個假，令心理同肌膚都可以得到充分放鬆同休息，絕對係win win雙贏嘅局面啊。

Photo from hello_takumi ＠ ig

當員工覺得自己肌膚出現狀況或是有問題，都可以請「養肌假」休息～重點係呢20日有薪假期係由公司額外提供，對於年假並不會有影響，所以即係話每年額外多咗20日假期呢！

唔少網友都表示：「是別人家的公司......」「太懂我們爛臉人的心理了！」「皮膚好了真心開朗很多，沒爛臉過可能不理解。」

香港可以引入「養肌假」制度嗎？我願意為佢賣命！

Text：Girlslike Editorial

Photo Source：Instagram