一直都用錯了！韓國美妝達人Pony：氣墊粉底應這樣上！氣墊粉持久不脫妝6個小秘訣～

天氣轉涼，衣櫃終於可以轉秋冬裝，夏季用開嘅化妝、護膚品都要因應天氣轉一轉喇～前一排皮膚會易泛油光、出汗，用嘅產品都以清爽，防水防汗為主，秋冬大可以用上氣墊粉底，令妝感更顯光澤，而且有足夠滋潤度令皮膚無咁容易起乾紋、龜裂。

Photo from ponyeffect_seoul @ ig

其實上氣墊粉底學問多多，一齊跟韓國Pony老師學習一下有咩上妝手法，可以令氣墊粉底妝感更靚吧～

＃1 上粉前先做好保濕

無論你係乾、中、油肌都好，保濕工序一定要做好，可以減少肌膚因為乾燥出油，龜裂，同時令妝容更持久。

Photo from ponyeffect_seoul @ ig

＃2 按一下氣墊粉底，已經係足夠份量

由於氣墊粉底遮瑕力好，所以Pony 上氣墊粉時，都只係按壓一下，將粉底液平均拍喺全面。平日容易出油嘅地方，上粉份量要減少，即使係秋冬季簡，仍然受「大油田」問題所困嘅女生，可以先用控油底霜打底！

Photo from ponyeffect_seoul @ ig

＃3 上粉要用「按壓」而唔係「輕拍」

拎咗適量嘅粉底份量後，上粉時要用「按壓」方式—用手腕力量將粉撲左右按壓，過程中粉撲唔會離開肌膚，於面上唔同地方進行「按壓」，就可以造到高遮瑕、粉底緊貼肌膚嘅妝感。處理好大面積嘅地方後，就可以將粉撲捲起來

Photo from youtube @ PONY Syndrome

＃4 粉底唔好全面都搽同一樣份量

除了「按壓」技巧外，要令妝感更立體自然，上粉時就要注意上粉份量。為咗令塊面望落去更立體，女生上粉底時應該用「由內至外」按壓，換言之，近髮際、下巴、腮骨位置粉底量愈少愈好。

Photo from ponyeffect_seoul @ ig

＃5 壓得愈多，妝容更持久

有一個完美底妝，有助之後上色時更顯妝容質感。Pony老師強調：「多按壓，妝容會更持久。」所以即將睇嚟瑕疵已經減少，但都要多加按壓粉底。

Photo from youtube @ PONY Syndrome

＃6 上兩層碎粉

唔好以為碎粉一定係上完粉底液之後先可以用，其實對於「大油田」，又或者你嗰日要帶妝超過10小時需要一個持久妝容嘅女生，上任何粉底前（包括氣墊粉底），都可以先上一層碎粉，完成粉底環節後，再於局部容易出油，例如T字位、鼻翼、眼皮位置再額外多上一層碎粉，保證你嘅妝一定比平日更持久！

Photo from youtube @ PONY Syndrome

Text：Girlslike Editorial

Photo Source：Instagram, Youtube