2019最熱的還是這髮型！女星熱捧的「及肩中長髮」，瘦臉減齡效果超驚豔！

Long Bob頭（Lob頭）因為小臉同減齡效果實在太驚人，所以一直受到好多女仔熱捧～好多女星都紛紛剪去長髮，以及肩中長髮示人，每一個剪短頭髮後都靚咗唔少，今日一齊嚟睇吓呢8位女星嘅Lob頭示範，新年剪呢個髮型一定令你靚絕全場啊！

1.佘詩曼

阿佘近年頭髮一直keep住呢種長度，令佢望落一啲都唔知似43歲，偏深色嘅髮色可以令皮膚睇落更白，成個人好有女人味～

2. 蔡卓妍

阿Sa長年將頭髮保持及肩左右嘅長度，而且會將髮根整到蓬鬆，塊面即時會變細好多，五官望落更精緻！

3.譚凱琪

近日憑《大帥哥》爆紅嘅譚凱琪，私底下都鍾意以casual look示人，一頭中長髮令佢望落好清爽又乾淨，感覺好舒服～

4.Janice Man 文詠珊

Janice Man嘅中長髮雖然長度冇咩大改變，但佢會以改變髮色嚟加添新鮮感，而且會時曲時直，以營造唔同感覺，出街去party都超百搭！

5.徐子淇

「千億新抱」徐子淇由出道以來都以長捲髮示人，不過最近佢都抵擋唔住「Lob頭」嘅魅力，將長髮剪短並染淺色，成個人望落好chic又減齡！

6.胡定欣

胡定欣一向係「Lob頭」愛好者，呢個髮型好易襯衫，俾人感覺知性又俐落，好符合佢女強人嘅形象！

7.容祖兒

8.岑麗香

香香最新懷孕已將頭髮留長，但小編非常鍾意佢留「Lob頭」，可以好自然咁修飾臉型，微捲造型令佢望落好有仙氣，一個字：靚！