瘦不等如美～肉地女生有福氣，這5個地方要儲一點肉肉才有幸福找上妳～

記得若干年前，「瘦就是美」觀念大行其道，荷理活女星BMI個個都偏瘦，行catwalk嘅模特兒更加係瘦到得棚骨，隨住年代過去，終於唔需要再因為呢個觀念令自己受皮肉之苦喇～已經有研究發現跟微胖女拍拖嘅幸福感比起骨感女多10陪，換言之，男生普遍都係鍾意「肉地」女生多啲，姐妹們，唔好對自己嘅體重上落太執著，想食就去食，接受真實嘅自己，千萬唔好再減走身上嘅「福氣」喇～

Photo from joyfulck @ ig

＃1 肉肉臉＝親和力up

望望嫁入豪門嘅女星，比如係徐子淇同甘比，佢哋雖然唔係肉面飛龍，但臉上都有幾分肉，屬於豐滿類型。於面相學嚟講，面圓代表親和力強、人緣好，有助提升人際關係從而改善工作運，甚至帶動財運呢！對比起「三尖八角」嘅面型，肉臉令人覺得較好相處，容易令人對你產生好感，而且面圓圓有啲肉，都添幾分可愛感，因此肉臉也能加強你嘅桃花運啊！

Photo from choisaaaa @ ig

＃2 下巴豐滿＝晚年運好

面相也有分上庭、中庭、下庭，上庭代表早年運、中庭代表中年運、下庭代表晚運。而下巴位置就正正就係「下庭」了，如果下巴無肉、尖削，代表晚運不佳。相反，「下巴兜兜一世無憂」下巴豐滿有肉，代表自己財運同健康狀況都好好也很好，而且後代都有好嘅眷顧呢！

Photo from kaytse @ ig

＃3 肉肉屁股＝生養好、財運好

已經有研究指出，腰臀比例係健康同生育能力嘅指標。腰臀比例較低嘅女性，生育能力較高。簡單嚟講，當女生愈有啤梨身型，就代表生育能力愈高。所以屁股有肉真係好重要呢，而且扁屁股著衫都無咁好睇啦～

Photo from misslilyho ＠ ig

＃4 肉地大脾＝有福氣

跟「v煞面」一樣道理，瘦削面型相學上嚟講係唔好，而竹竿腿都係勞碌命嘅象徵，有云「腿長腳瘦，奔走不停，辛苦之相也。」古代只有捱世界嘅女生先會出現「竹竿腿」，加上雙腿合唔埋都係「漏財」之特徵，所以雙腳其實跟番身材成比例就好好，唔需要刻意追求超幼雙腿，唔健康之餘福氣都嚇走埋！

Photo from coffee89921 @ ig

＃5 膀頭闊＝善解人意

好多女生都好憎自己膀頭闊，覺得膀頭闊會影響身材觀感，著衫唔好睇。但其實膀頭闊喺相學上係代表心胸廣闊嘅意思，善解人意之餘又大方唔小氣。呢種大氣嘅魅力好容易吸引事業有成嘅成熟男呢！

Text：GirlsLike Editorial

Photo Source： Instagram