去斑唔一定要洗好多錢！？女生必知的 6 種天然淡斑食物，夏天不用怕太陽，跟色斑講byebye！

踏入夏天，每次一行出街個太陽大到好似會將人曬溶咁！即使塗幾多防曬、做幾多美白都好，都好易出現色斑。可怕嘅係，色斑一生出嚟，就唔會自動消失，有人仲會花大量金錢去除斑！不過喺花啲錢之前，不妨試下用以下嘅天然去斑方法，利用以下 6 種天然食物，就可以美白同時淡斑啦！

1.紅蘿蔔汁
將紅蘿蔔榨成汁可以保留紅蘿蔔入面大量嘅營養，當中包含大量維他命A，可以滋養皮膚，避免皮膚乾燥嘅情況出現。雖然可以減淡色斑，但是都唔適宜進食太多，因為入面 嘅類胡蘿蔔素會令到皮膚變黃，不過色素會慢慢褪走，皮膚就回復番正常膚色！

2.青瓜
有時候女仔會用青瓜敷雙眼或者臉，因為青瓜入面含有維他命 C、鉀以及抑制酪氨酸酶，可以防止皮膚嘅黑色素形成，達到淡斑、美白皮膚嘅作用，以及改善皮膚粗糙。

3.檸檬汁
相信好多人都有聽過用檸檬美白，有人甚至會每日飲檸檬去保持皮膚白淨，因為檸檬入面含有大量維他命 C、B、鈣等等，定期飲用可以抑制黑色素產生，達到美白嘅功效。

4.番茄汁
酪氨酸酶會導致皮膚容易變黑，而番茄入面含有豐富維他命 C，可以抑制酪氨酸酶嘅活性，番茄仲可以保護皮膚、減淡色斑同埋令皮膚變得更加白滑，所以建議可以每日飲用番茄汁。

5.冬瓜
冬瓜有潔白皮膚嘅用途，冬瓜湯可以美顏。另外，除咗食用冬瓜，仲可以拎佢嚟外敷洗臉，將冬瓜肉搗成糊狀，然後敷喺色斑嘅地方，敷大約 15 分鐘，再用水沖乾淨，每星期可以敷兩次。

6.黑木耳
黑木耳同樣係對皮膚好好嘅食材之一，可以保持臉色紅潤，經常食用就可以慢慢減淡臉上嘅色斑。

Text: GirlsLike Editorial

Photo Source: Instagram