「養小朋友老十年」可能有根據？！研究指：生小孩會令女人急速老化，建議生一、兩個～
成日聽人講生小朋友會易老啲，原來係有根據嫁！最近，英國巴斯大學就有一項研究證實懷孕、哺乳、照顧小朋友會增加氧化壓力，令女性提早老化～！
研究人員就針對500位女性進行調查，佢地發現生得愈少小朋友嘅女性愈靚～波蘭亞捷隆大學研究人員都喺科學期刊上面發表報告指小朋友比較少嘅中年女性更有吸引力，睇起嚟更加年輕，而且更健康。
我地成日都聽父母話養小朋友短10年命，可能係真嫁！因為耶魯大學就有研究發現生育係會加速女性衰老。研究人員就檢測咗100位中年婦女嘅血液，發現生過4個或以上小朋友嘅人DNA損傷情況最為嚴重！
人類學家就將呢啲年齡比較大嘅媽媽嘅相拎比500幾個陌生人睇，比佢地揀出睇落比較健康、年輕、同有魅力嘅媽媽，結果佢地揀嘅都係小朋友比較少嘅女性。
巴斯大學嘅Anthony Little教授話：「懷孕生子、哺乳育兒需要消耗大量嘅能量，所以生過好幾個小朋友嘅女性身體會比其他人差一啲，壽命都會短。」
DNA嘅損傷係會導致面部老化加速，令皮膚鬆弛、色素沉澱，令媽媽睇落年齡都會大啲。所以研究人員就建議如果想生都係生一、兩個就好啦！
