M痛、經血量多、常飲凍飲要留神！子宮肌瘤漸趨年輕化，4大徵狀+教你如何預防～

每個月嗰幾日又M痛、經血量又多，以為係正常？呢啲都有可能係子宮肌瘤嘅病徵呀！子宮肌瘤近年就有年輕化嘅趨勢，而呢個病其實係同荷爾蒙同激素有關，到底病徵、成因、預防方法係咩？快啲睇下啦！

子宮肌瘤係處於生育期女性（約15-49歲）常見婦科病，一般可以分為三種，如膜下肌瘤、黏膜下肌瘤及肌層內肌瘤。任何女性都有機會患上子宮肌瘤，近年仲有年輕化嘅趨勢，即使未有未有性經驗嘅女性，都有可能患上。 子宮肌瘤生長速度較慢，通常初期病徵唔明顯，當肌瘤開始增大時，病徵就會開始出現。

1.經血過多

多達半數患有子宮肌瘤嘅女性經血量，會明顯增多，容易導致貧血。

Photo from from Pinterest

2. 下腹不適＋背痛

子宮肌瘤會令子宮擴大，可能會導致下腹不適，或者壓住膀胱令排尿次數比平常頻密，子宮擴大亦有可能會壓住直腸，導致便秘。

Photo from from Pinterest

3. 持續M痛

子宮肌瘤會令患者疼痛感更加強烈，而且會持續整段經期，有啲患者更會痛到連床都落唔到。

4. 白帶增多

由於子宮肌瘤嘅刺激，會令白帶比平常多。

Photo from from Pinterest

想避免患上子宮肌瘤，首先要避開以下習慣：

1. 常吃含荷爾蒙的食物

飼養人員通常會餵豬、雞、魚含有荷爾蒙嘅飼料，而呢3種肉正正係我地最常接觸，長時間食用含荷爾蒙嘅食物，會刺激子宮，導致子宮肌瘤病發。

Photo from from Pinterest

2. 壓力大 情緒大起大落

精神經常處於緊張狀態、唔開心容易出現肝鬱情況，導致血液停滯，演變成多種病症，例如子宮肌瘤。

Photo from wongtsuiyu @ ig

3. 多肉少菜的飲食習慣

鐘意食肉嘅人，患子宮肌瘤風險比素食人士高，主要原因係過量攝入動物脂肪～

Photo from from Pinterest

4. 少做運動 經常久坐不動

唔少OL經常久坐不動，加上平時無做開運動，所以血液容易停滯，造成血瘀。血液未能有效排出會導致子宮肌瘤。

Photo from from Pinterest

5. 常喝凍飲

成日飲凍飲或者食生冷食物，都會令寒氣進入身體，容易令子宮變弱，形成瘀血，瘀血喺身體積聚，久而久之，會增加患上子宮肌瘤嘅風險。

Photo from from Pinterest

6. 家族遺傳 風險增3倍

如果家族入面有人曾經患上子宮肌瘤，女兒患病風險都會增加3倍。

Photo from from Pinterest

7. 遲生仔

晚育會造成體內荷爾蒙異常，有機會引發子宮肌瘤。不過，以上資料只可以當作參考，如果對健康有任何疑問，記得即刻向你嘅醫生尋求專業意見，千萬唔好拖呀！

Text：GirlsLike Editorial

Photo Source：Pinterest, Instagram