跟去健身房效果沒差兩樣！站著做Sit-Up—「站立卷腹法」練出腹肌、人魚線，2星期腰圍減走5cm！

以前女生就一味追求「骨感瘦」，但而家就唔再局限於追求「身無半兩肉嘅瘦」，而係要瘦得嚟仲有肌肉美！女生天生肌肉量較少，而且較男生更難練出肌肉，想喺夏天前練出「人魚線」、「馬甲線」，就要多下苦功喇～日本電視台「世界一受けたい授業（世界第一授課）：改變新生活3小時SP」就介紹了一個「5秒站立卷腹法」，更稱「效果是仰臥起坐的5倍！」，一齊睇下有幾勁！

Photo from nwuuu @ ig

OL成日坐，平日又少運動，肚腩仔難怪趕極都趕唔走！但用以下呢個方法就可以隨時隨地鍛練腹部肌肉！而且只係需要兩個星期就有明顯效果～首先雙手握拳，尾指輕碰頸椎位置，固定好後頸位置～

然後將手㬹位置置於耳朵上方，單腳向前邁出一步！

腳趾趾尖用力，用鼻子呼吸令肚子凹下去～

一邊用嘴吐氣，一邊慢慢咁用力，讓腹直肌從上到下捲曲，保持呢個姿態5秒鐘就可以了！節目組建議女生們1日做3組（1組10次），加埋都係唔洗3分鐘！真係方便快捷～

教練都提供一個方法令大家可以做到更準確嘅姿態：試想像腹部係一個空罐，想像將空罐垂直壓扁就Ok！

如果你想追求更高，要練習出人魚線，都有另一組5秒腹外斜肌法可以做～首先雙手握拳，尾指輕碰頸椎位置，固定好後頸位置之後，就將手㬹位置置於耳朵上方，單腳向前邁出一步並腳趾趾尖用力，用鼻子呼吸～

之後從口吐氣，慢慢地扭向右側腹部，再保持呢個狀態5秒鐘！同樣都係建議女生們1日做3組（1組10次）喔～可以想像一下自己好似一條毛巾咁，用力扭啊扭，扭出你嘅人魚線吧（笑）！

節目組就為此進行實驗，邀請前日本足球代表武田修宏在兩星期入面內每日做呢個「5秒腹肌鍛練法」。實驗期間，武田修宏喺飲食方面無特別進行節食或者改變飲食習慣～經過兩星期後武田修宏成功減去3KG，腰圍從95cm減至90cm，腹部肌肉形狀都比之前好睇好多！

小編覺得如果懶去健身房嘅女生，不妨以此代替訓練腹肌呢~

Text：GirlsLike Editorial

Photo Source：「世界一受けたい授業 」朝日電視台