山楂洛神茶＝素顏法寶～黑眼圈、面色暗啞、唇色暗紫、經期不順暢，全是血瘀型體質特徵！

香港人飲食作息唔定時，經常坐喺冷氣房較少外出活動，好容易有血瘀型體質，最明顯就係俐底下靜脈呈深紫色，又或者係嘴唇色偏暗紫，或者嘴唇外圈有一條紫色唇線圍著，而且整體面色都係比較黯淡無光，女生有「血瘀型」體質真係好影響面色唔，唔想素顏面青青，日日要化厚妝見人，不妨di山楂洛神茶，舒緩黑眼圈、面色暗啞、嘴唇偏紫、女性經痛或者來經不順暢等血瘀症狀。

Photo from choisaaaa @ ig

你係唔係屬血瘀型體質？以下係血瘀型體質較明顯或常見嘅症狀，睇睇你中咗幾多項 ？

容易身體疼痛，如針刺般的疼痛，痛處固定不移

＃1 黑眼圈

＃2 臉色、唇色紫暗

＃3 舌底血脈色紫

＃4 暗瘡容易留印

＃5 身體容易瘀青

＃6 月經量多，有血塊或者有經痛、甚至閉經

＃ 7 靜脈曲張

中咗3琪或以上就代表你係血瘀型 （一個人可能同時夾雜多種體質，視乎邊一型嘅特徵比較明顯，再做適當調整 ）

Photo from sammkoling ＠ ig

習慣熬夜嘅女生，中醫認為熬夜傷陰、傷肝腎。 肝血不足，導致血流唔暢通，形成黑眼圈，伴以面色暗啞、唇色暗紫。可以飲用山楂洛神花茶解決舒緩症狀，山楂洛神花茶有助活血化瘀，令面色變得有光澤，亦可以同時減淡黑眼圈！

Photo from trxcychu ＠ ig

山楂洛神花茶（一人分量）

材料：山楂乾5片、洛神花乾品2朵、紅糖適量

做法：將材料放入保溫壺，以溫熱水洗淨材料，再加入熱水泡煮5分鐘，最後按個人喜好加入紅糖即可。茶料可以反覆沖泡至味淡，一星期連續飲用4日為一次療程。

功效：舒緩黑眼圈、臉色暗啞、嘴唇偏紫、靜脈曲張、暗瘡印，女性經痛或者來經不順暢等血瘀症狀。

注意：因為山楂味酸，唔適宜空肚飲用。胃部容易唔舒服嘅人、孕婦、女性月經期間亦唔適宜飲用。

Text：GirlsLike Editorial

Photo source：Instagram