
勇於面對負面情緒是成功的第一步!研究證實:悲觀、負面的人更優秀,4個原因令你完勝樂觀派~
由細到大,爸爸媽媽、老師都教我地要正面樂觀,無論遇到咩逆境或者唔開心,都一定要保持積極嘅態度面對!當然人活在世上一定需要正能量去推動自己向前進,不過都唔代表負面情緒一定係唔好,因為唔好嘅情緒有時可以更鼓勵到你進步,有研究發現悲觀、負面嘅人反而更優秀!
Photo from Pinterest
# 負面情緒能夠激發你的創意!
其實唔少知名作家、藝術家本身都係患有情緒疾病~心理學家就發現從事創造性工作嘅人,患有情緒病嘅機率比一般人多出 8 至 10 倍。因為擁有敏感細膩嘅情緒,所以往往會喺焦慮同壓迫嘅環境下,激發出更多可能性及潛在嘅創造力~
Photo from Pinterest
# 負面情緒讓你敢於嘗試!
社會心理學家 Joseph Forgas 指出:「人類受到不斷變化嘅情緒所影響,反而會助於我地做出適當嘅決策。」當心情唔好、充斥著負面情緒嘅時候,人嘅大腦就會處於一種戒備狀態,而呢種狀態唔單止可以令你可以更冷靜、地批判同思考,仲會比你更大勇氣嘗試以往唔敢試嘅事~就好似有啲女仔失戀之後會敢去將把長頭髮剪短髮之類,都係因為呢個原因。
Photo from Pinterest
# 悲觀者更有同理心!
由於悲觀者擁有更細膩嘅思緒,往往會比樂觀者更在意到一啲小細節,都會更有同理心,識得易地而處!所以同悲觀者傾 心事,絕對係一個正確嘅選擇,佢地唔單止可以了解你嘅痛處,仲會比你舒坦嘅提議~
Photo from Pinterest
# 脾氣暴躁反而讓人更團結?
有共同敵人,絕對係一班人團結嘅一大關鍵,所以集結所有負面情緒,有時反而可以將任務做得更好!
Photo from Pinterest
所以各位多愁善感、又成日憂鬱嘅朋友,以後再有人嘮叨你,你就可以反駁佢地:「悲觀嘅人其實更優秀!」
Photo from Pinterest
Text:GirlsLike Editorial
Photo Source:Pinterest