56歲楊紫瓊DeepV裙現身！第91屆奧斯卡上盡顯仙氣，保養全靠鍛練「20歲的體力不一定比50歲的人好」

By Aisa on 25 Feb 2019

第91屆奧斯卡於香港時間25日舉行，令人關注嘅除咗係今屆嘅獎項花落誰家外，當然仲有一眾女星於紅毯上爭艷鬥麗嘅精彩打扮，個個人都想展現出最完美嘅一面。而最吸引香港觀眾眼球嘅一定要數到以一襲深V長禮服現身嘅楊紫瓊。唔少網友見到外媒曝光嘅零修圖照都大感驚訝，紛紛表示：「不敢相信已經56歲了！」不論喺臉蛋、精神同身材，楊紫瓊都保養得好好～！

Photo from Sina

第91屆奧斯卡於香港時間今日舉行，同一眾女星一樣，楊紫瓊以盛裝出席，放下及胸長髮，身穿裸色亮片禮服，搭配簡約珠寶耳環同飾物，高雅華貴～繫腰嘅剪裁、胸前深V剪裁，露出胸部輪廓及肩頸美麗嘅線條，完美突顯佢美好嘅身段，雖然楊紫瓊唔係話皺紋都無條，不過整體面貌同神態都唔似一個已經50歲以上嘅人，網民紛紛大讚佢完全唔似56歲～

Photo from Sina

楊紫瓊喺《瘋狂亞洲富豪》入面演出結合優雅、智慧、財富與高等教育於一身嘅楊家女主人「楊艾蓮」，成為兒子楊尼克同佢女朋友瑞秋之間感情最大嘅阻礙：「在所有人眼中，她是個有絕對權威感的人，沒有人不懼怕她三分，但我努力不把這個角色詮釋成壞人，她只是一個試圖保護兒子與這個家庭的母親。」至於如何詮釋呢個角色，楊紫瓊就話：「我從以前就認識很多像這樣的人，優雅、端莊，卻又不失威嚴，就如同我不會去找瑞秋，她必須主動來找我，我不會大吼大叫，那有失身分，真正有權威的人不會講話大小聲，更不會耗費精力在誰身上，那樣只會折損權威感。」