將煮早餐重任交給他！研究：女生比男生更需要睡眠。全因女生「用腦」時間比男生多～

身為十項全能嘅女生，好多時間我哋都比家中「大食懶」付出更多！日頭番工，放工仲要煮飯、洗衫、洗碗～每朝早仲要風雨不改整早餐畀另一半食，除咗瞓教?幾個鐘頭外，基本上我哋都係有任務在身啊！不過以後你你就可以大條道理將煮早餐重任交番畀男友了，事關有研究發現「女生其實比男生更需要睡眠」，即使男朋友唔信你，佢都好應該聽專家嘅說話吧～（笑）

Photo from wongtsuiyu @ ig

睡眠標準係8個鐘頭，但現代人工作繁忙、應酬多，有時根本連6個鐘頭都瞓唔到。美國有研究指出，美國有 30%嘅人每日瞓唔夠 6 個鐘，遠比建議每日7-9小時睡眠時數為少。專家指出，如果睡眠不足，會增加罹患心血管疾病、肥胖風險，更會影響身體新陳代謝嘅修復功能，亦會降低日間工作效率。

Photo from kaman_kong @ ig

除咗影響身體外，仲會掛上一對大大嘅黑眼圈，用幾多護膚品都救唔番啊～

Photo from natalietong53 ＠ ig

英國羅浮堡大學睡眠研究中心嘅科學家就針對 210 名中年男性與女性作出調查，發現女性平均的睡眠時間比男性多 20 分鐘，原因唔係因為女生「懶瞓」，而係因為女性嘅大腦運作比起男性更複雜！專家更指出：「白天用腦時間用得愈多，大腦就愈需要自我修復，結果就是需要更長睡眠時間。」

Photo from natalietong53 ＠ ig

於深層睡眠中，大腦負責思考記憶、語言等皮質層從感官脫離，從而令大腦進入「修復模式」，所以瞓教嘅目的就係令大腦享有自我修復時間。

Photo from yuenkaka @ ig

成日話女生係「情感思考動物」，意思係會被情感主導去思考，而且每日有好多個鐘都係諗呢樣諗?樣，女性腦袋傾向「多工」處理事情，同一時間可以處理好多事而且比較彈性，因此大腦活動嘅複雜程度都高於男性，所以專家認為女性需要更多時間瞓教去應付日常需要。

Photo from laiwinki @ ig

研究同時發現，女生無足夠睡眠，會導致許多情緒上副作用，比如係抑鬱、易發脾氣，但男性唔會出現呢類現象。各位男士唔想惹禍上身嘅話就要知情識趣喇～以後大發慈悲畀女朋友瞓多20分鐘啦，唔好再打鑼打鼓叫醒女朋友起身整早餐了～

Text：TopBeauty Editorial

Photo source：Instagram