誰說韓妞身材是天生瘦底！Apink微胖女普美靠這個「飽肚又滋味食譜」減掉10kg肉肉～

身形同臉型帶點肉肉嘅韓國人氣女團「Apink」成員普美，唔單止唱功了得，仲不時喺Youtube上分享自己嘅瘦身keep fit之道～小編就整理咗普美嘅3個減肥小秘訣，大家可以掌握重點，睇吓點樣透過改變飲食方式變窈窕身段，跟住普美嘅飲食方法，一星期減掉幾kg肉肉絕對唔係問題！

Photo from only_bomi @ ig

秘訣1：食雞胸肉，勁減8kg

大家都知韓國女團個個都係樣靚身材正仲要個個多材多藝，如此競爭激烈，普美更加唔可以鬆懈～佢曾經透露，自己嘅減肥方法其中一個係「3餐雞肉法」，只要早、午、晚3餐都食雞胸肉，就可以瘦足足8kg！事關雞胸肉低油、高蛋白質，如果再以白烚少鹽少油方式調，就更加健康，瘦身效果up～

Photo from only_bomi @ ig

秘訣2：以鮮窄果汁代替早餐、午餐

普美指出，曾經因為希望快速變瘦，有試過只食維他命，但始終頂唔順肚餓嘅感覺。所以，普美已經實行「果汁減肥法」7-8年。方法就係早餐一杯醒神果汁—由梨、紅菜頭、番茄同紅蘿蔔打成蔬果汁，而午餐則用香蕉，可可、奇亞籽、無添加豆奶同椰子汁混合成有飽肚感嘅果汁，唔單止可以有效減重，仲可以令皮膚變得通透、有光澤。

Photo from only_bomi @ ig

早餐、午餐各有唔同嘅果汁選擇～

Photo from 뽐뽐뽐 ＠ youtube

一日已經甩去近3 kg！效果真係好明顯～

Photo from 뽐뽐뽐 ＠ youtube

當然，我哋唔可以長期只靠果汁頂肚，7日嘅排毒瘦身計劃完成後，普美建議可以多食蛋白質食物，並且結合運動維持體態。

秘訣3：自製好食又低熱量小食止「口痕」

有時中午，下午茶時間唔太肚餓，但又有少少口痕，想食得輕盈一啲，唔一定吓吓要趙餅乾～不妨自製香口低卡小食醫肚！普美就喺個人youtube頻道上，教大家整「生菜吞拿魚包」，材料有洋蔥、蘆筍、薯仔、吞拿魚罐頭、雞蛋，用橄欖油炒香材料，用生菜包好，高纖低卡之餘，洋蔥同吞拿魚肉仲香四溢，大啖食都可以零「罪惡感」～

Photo from 뽐뽐뽐 ＠ youtube

Text：Girlslike Editorial

Photo Source：Instagram，Youtube