袁偉豪不滿被《愛回家》抽水指編劇「寫到無題材」蔡思貝提議入劇組演返自己

By Fennie on 30 Nov 2022

Digital Editor

較早前TVB處境劇《愛．回家之開心速遞》疑似抽水袁偉豪，不但劇情出現他的金句「我欠咗你哋班傳媒？」，之後又出現「軟飯王」情節，疑似影射他經常被嘲「嫁給」張寶兒。日前袁偉豪接受傳媒訪問時對此作出回應，句句有骨，指編劇「寫到無題材」，就連身旁的蔡思貝都忍不住叫他加入《愛回家》扮返自己。

Photo from fb@袁偉豪 Benjamin Yuen

回應被《愛回家》抽水句句有骨

袁偉豪近日新聞多多，不但被《愛回家》影射與傳媒關係差，就連洪永城都指他有機會「面癱視帝」。日前他出席活動時被傳媒問到關於疑似被《愛回家》抽水一事，他笑笑口指自己並無睇到該集，但就有睇過傳媒轉載的報導，當時反應是「咦，咁得意呀？」之後便句句有骨地表示：「我唔知佢哋係咪寫到無題材，要搵啲題材寫吓！幫到件事又過癮，又有咁大反應咪開心囉，不過我都會搵編劇傾吓偈架啦。」而身旁的蔡思貝就笑住叫袁偉豪乘機加入《愛回家》扮返自己，認真搞笑！

Photo from 影片截圖

至於被洪永城指「面癱視帝」一事，袁偉豪就解釋因為《法證先鋒V》所飾演的角色沒什麼表情：「我個角色係長期唔夠瞓，所以唔會有精神，冇精神自然冇乜笑容，而且我飾演嘅係一個警察，有警察嗰種尊嚴，唔會嬉皮笑臉。」

Photo from 《法證先鋒V》劇照

重現「欠咗你哋班傳媒？」對白

袁偉豪自從同張寶兒結婚後，就一直被外界封為「億萬駙馬」，網絡上亦不時有閒言閒語攻擊他食軟飯等；今年9月，金像獎最佳男配角得主馮皓揚退修TVB藝員訓練班的相關新聞中，袁偉豪被傳媒報道稱為「藝訓班星級導師」，他轉發相關報導並語帶不滿表示：「我欠咗你哋班傳媒？」

Photo from 影片截圖

而TVB處境劇《愛·回家之開心速遞》向來都緊貼社會熱話，早前播出的一集講到KC（歐瑞偉飾）因為主持的《法律知多D》被腰斬，得知消息的記者馬上包圍KC追問原因：「網民話你做主持冇實力」、「你喺法律界的表現一般，其實你係咪靠關係」等種種問題令KC當場爆seed鬧記者：「你哋問夠未，我欠咗你哋班傳媒？」KC鬧記者事件成為社會熱話，之後有人在評論區留言：「KC同Rachel拍拖係軟飯王。」不少觀眾睇到這集都覺得節目明抽袁偉豪水。

Photo from 《愛回家》劇照

獲得張寶兒力撐

被《愛·回家之開心速遞》抽水的同日，袁偉豪因不滿媒體往往錯重點而在IG Story發長文：「點解啲報道，永遠都係錯重點？又繼續無限放大？」袁偉豪自從結婚之後，就多了閒言閒語，令他覺得有點灰心，一度反思自己是否適合做藝人，不過，幸好有張寶兒一直在身邊支持他，更力撐丈夫「情緒沒有問題」，袁偉豪才沒有因而放棄演藝事業。

Photo from fb@袁偉豪 Benjamin Yuen

Text: TopBeauty Editorial

袁偉豪坦言娶張寶兒後變得越來越灰負面新聞影響工作曾反思自己是否適合做藝人

袁偉豪屢受批評成箭靶：覺得有啲唔公平！感激黃翠如提點刪除社交App

袁偉豪疑不滿被《愛回家》抽水 + 報道以得罪傳媒做標題深夜發長文：永遠錯重點

20 Nov 2022

袁偉豪疑因近日接受傳媒訪問出街後，被各大報章以「得罪傳媒」做標題而不滿，加上日前TVB處境劇《愛回家》以他早前在社交平台拋下一句「我欠咗你哋班傳媒？」一事抽水，又出現「軟飯王」情節，激發他在IG發長文：「點解永遠都係錯重點？」

Photo from fb@袁偉豪 Benjamin Yuen

袁偉豪在IG Story寫道：「點解啲報道，永遠都係錯重點？明明係宣傳新歌，講吓近況，但係永遠出嚟就係錯重點嘅呢？又繼續無限放大？請大家千祈唔好覺得我仍然好失落，最差最壞嘅都已經捱過，我現在好好，真的很好，好開心。」惟之後他已經將其IG Story刪除。

Photo from fb@袁偉豪 Benjamin Yuen

疑被《愛回家》抽水

Photo from fb@袁偉豪 Benjamin Yuen

日前TVB處境劇《愛·回家之開心速遞》播出的一集，講到KC（歐瑞偉飾）因為主持的《法律知多D》被腰斬，得知消息的記者馬上包圍KC追問原因：「網民話你做主持冇實力」、「你喺法律界的表現一般，其實你係咪靠關係」、「如果冇你嘅姐夫，你做唔做到律師？」等種種問題令KC當場爆seed鬧記者：「你哋問夠未，我欠咗你哋班傳媒啊？」KC鬧記者事件成為社會熱話，之後有人在評論區留言：「KC同Rachel拍拖係軟飯王。」完全是以袁偉豪事件做故事素材。

Photo from 《愛回家》劇照

成箭靶陷入低潮

再加上袁偉豪日前接受《Star Talk》的訪問，除了宣傳新歌《馬路英雄》及分享製作心得外，亦有提及近年成為眾人箭靶而感到壓力大和不公平：「其實好大壓力，但我好被動，嗰段時間好低潮，好迷失，覺得工作上付出咗咁多，但反而外來嘅聲音，專注唔係工作上，而且仲成為箭靶，覺得有啲唔公平，變咗有一種好失落嘅感覺，成個人都冇晒光彩，跌咗落漩渦中。」