外國女生進行1個月「戒糖實驗」，30天後身體出現的變化令人驚豔～！

我地都知道過多糖份會對身體造成負荷，而且糖份比起毒品更容易令人上癮，長期過度攝取會引致發胖、皮膚變差、冇精神等身體毛病～

有一位外國美容編輯Jenny Sugar就進行咗一個為期30日嘅「戒糖實驗」，想知道到底糖份對身體有咩影響，同戒掉糖份後身體會有咩變化。

Jenny Sugar同大部分女仔一樣都好鍾意甜嘢，戒掉糖份可想而知係一個痛苦嘅過程，佢喺實行戒糖後第5日就「破功」，食咗佢為老公炮製嘅生日蛋糕，之後又食咗含糖餅乾。

佢為咗徹底實行呢個實驗戒晒所有「最愛」，包括楓糖漿、龍舌蘭、白糖、紅糖，玉米糖漿、糙米糖漿、巧克力、酒精、穀物、麵包，甜豆漿同雪糕。但一個月後佢嘅身體竟變成這樣！

#1 胃氣胃脹問題消失

Jenny Sugar因為鍾意食甜嘢而令佢有消化不良胃脹胃痛問題，更試過大病一場，當時先知道係糖份惹的禍，喺戒糖2個禮拜後Jenny消化能力改善咗，唔再胃痛胃脹，胃氣都減少好多！

#2 下巴唔再出暗瘡

Jenny嘅下巴由12歲開始就一直不停生暗瘡，戒糖後跟隨佢多年嘅頑固暗瘡竟然消失咗，皮膚狀況亦改善咗～

#3 不再時常感到肌餓

過多糖份會人更容易感到肌餓，Jenny戒糖後成功減少對糖份嘅依賴同慾望，佢發現食完正餐後亦唔會有慾望想食零食或點心～

#4 精神體力變好

糖份容易被身體吸收，亦會令血糖突然驟升驟降，令人疲倦和情緒不穩定。Jenny戒糖後直言精神變得更好，也感到身體比以前更有力量。

#5 睡得更安穩

據《臨床醫學睡眠期刊》發表一項哥倫比亞大學的研究發現，太少纖維同過多糖份會影響睡眠品質。Jenny戒糖後發現訓得比之前更好更安穩～

改善胃部病痛同暗瘡，Jenny直言以後都會繼續實行「零糖」飲食習慣，不過佢有時會「偷食」零食，只不過選擇食物會更小心謹慎，以免影響到胃部～

Text : Girls editorial

Source：《Popsugar》,《Journal of Clinical Sleep Medicine》

Photo  source：Pinterest