冇得浸浴都要浸下腳！女性浸腳超多好處～能袪濕暖身，最適合成日手冰腳凍嘅你～

有時返工返到攰都會好想浸浴放鬆一下～奈何香港屋企地方細，好多人屋企浴室都未必容納到一個浴缸！呢個時候其實可以試下浸浸腳～唔講唔知，其實浸腳對女人好處多多，唔使花大錢買補品護膚品，浸下腳已經可以有好膚質好身材啦～

Photo from Pinterest

好多人以為冬天先適合浸腳暖暖身體，咁諗就大錯特錯～其實夏天比冬天更需要浸腳，因為夏天雨水多，天氣又悶熱，又成日係室內吹冷氣，加上飲唔少凍飲，身體久而久之積聚好多濕氣，導致個人成日都好無精神！有人話「腳係人第二個心臟」，腳上佈滿唔同神經同穴位。浸腳唔單止可以暖身、加強血液循環，更可以加快新陳代謝及體內濕氣排出，除咗可以改善手冰腳凍嘅問題外，堅持每週浸2-3次仲可以達到去水腫、瘦身嘅功效！

Photo from Pinterest

Photo from Pinterest

浸腳並唔係準備熱水浸咁簡單！當中好多細節都要跟足，咁先可以達到最佳效果～！

1.水溫唔可以太熱，大約40度就可以了，浸泡嘅時候建議可熱水維持水溫

2.唔可以浸太耐！每次浸大約30分鐘左右就可以

3.太餓唔可以浸！因為浸腳會加快脂肪燃燒，有機會每血糖下降，如果呢個時間浸腳可能會有頭暈情況出現！

4.飯後不可以立即浸！飯後立即浸會影響腸道消化，建議飯後隔1小時才浸～

5.可以係水中加入唔同材料加速功效，例如手腳冰冷嚴重人士可以加生薑一齊浸；加入花椒可以加速血液循環、強化心臟；另外可以加入喜愛的花朵令成件事更賞心悅目～！

6.浸後記得要即時抹乾雙腳及穿上襪子保暖～

7.浸腳過程中會排汗，浸後記得要喝水補充水份！

8.唔係個個都適合浸腳！小朋友、孕婦、糖尿病、心臟病、低血壓、靜脈曲張人士都唔適合浸腳呀！

Photo from Pinterest

Text：TopBeauty Editorial

Photo source：Pinterest