比身體疲累更難察覺～大腦「慢性疲勞」10 個跡象，明明沒做甚麼都覺疲勞痠痛原因是這樣！

平日明明唔係好多嘢做，又或者有足夠睡眠，但仍然覺得周身無力，以前明明可以極速完成嘅嘢，宜家就變得拖拖拉拉，對任何事都慢慢堤去興趣、身體甚至莫名奇妙會出現疲勞痠痛......千萬唔好睇小呢類徵狀，心理學家 Alice Boyes 指出，有可能係因為你一直處理超過負荷嘅工作量，又或者係人際關係問題，無聲無息消耗緊你嘅能量，以下10個跡象，就代表你要小心大腦進入「慢性疲勞」，係時間要畀自己好好抖吓喇～

Photo from kelllycheung @ ig

＃1 以前有助重抬能量嘅方法（聽歌、睇戲）只能暫時起作用，而且動力一下子就消耗了。

Photo from kelllycheung @ ig

＃2 只需要花你幾分鐘處理嘅瑣碎事，仍然會被拖延症影響，節單如整理文件都唔願去做。

Photo from from Pinterest

＃3 你開始會認為平常不過嘅事都嫌佢哋麻煩，比如係食飯，你寧願食微波爐食品、快餐，都唔想花時間準備健康有益嘅食物慰勞自己。

Photo from ig @ wongtsuiyu

＃4 即使放假，你都寧願睇一整日ig、fb，完全唔想用腦，即使連讀一本書你都覺得好哂精神。

Photo from ig @ wongtsuiyu

＃5  你不斷推遲小任務，而因為無及時處理，令死線愈積愈多，令日常緊逼嘅行程再百上加斤。

Photo from ig @ choisaaaa

＃6 你發現自己傾向「慳水慳力」完成工作任務，寧願捱著畀比老細批評交行貨嘅風險，都懶得諗新意念精益求精。

Photo from from Pinterest

＃7 身體出現毛病，求診後你無持續服用藥物或使用藥膏，原因係無意志力，經常唔記得按時食藥就索性唔食。

Photo from ig @ wongtsuiyu

＃8 你會主動過濾、忽視伴侶對你嘅抱怨，你會表現到不痛不癢，因為你無心情處理對方嘅情感需要。

＃9 你發現你每日持續做一啲重覆性、無意義嘅舉動，例如漫無目的上網、放工都去飲酒，雖然你知道佢哋對自己無益，但你無意慾跳出安全框框，改變自己，甚至計劃另類有益身心嘅活動。

Photo from paisleyhu @ ig

＃10 你發覺自己難以計劃、執行目標。比如你會眼白白睇住想退貨嘅貨物過咗指定退貨期都唔行動。

解決大腦慢性疲勞

精神乏力嘅狀態會令人無力進行身體鍛鍊，連帶造成體力下降、健康走下坡問題，心理學家 Alice Boyes 提出咗以下3點，睇睇可否幫你解決問題吧～

1. 檢查生活習慣

你嘅身體可能長期缺乏鐵質、維他命，從今起重新審視飲食習慣同和睡眠習慣吧～

Photo from wongmanyik @ ig

2. 老方法是靈丹

如果你本身就無健身習慣，要你一下子建立呢種習慣反而會令你更累。但老方法會比新策略更有效，比如你以前係鐘意下廚、彈琴，就重拾舊日興趣吧，做有把握嘅事可以令你更舒壓～

Photo from wongmanyik @ ig

3. 奉行「25％ 原則」

做任何工作都好，試下用比平日慢25％嘅速度進行；對於唔緊急嘅任務，減坪25％嘅投入精力，唔需要事事講求完同快狠準，只會為自己增添不必要嘅壓力，花多一力氣愛錫自己吧～

Photo from sammkoling @ ig

Text：TopBeauty Editorial

Photo source：Instagram