人人都會老，內涵和自信是魅力的泉源！行乞過﹑抑鬱過，59歲惠英紅叫大家不要太在意外表～

By Aisa on 16 Apr 2019

一個追逐夢想的女生，深信未來是屬於相信心中美夢的人。

早兩日喺《第38屆香港電影金像獎頒獎典禮》上憑住《翠絲》奪得「最佳女配角」嘅惠英紅，喺電影中演活了女人生活中嘅無奈，而現實中佢亦曾經經歷人生中最大嘅逆境，當時更不幸患上抑鬱，幸好最終能夠走出陰霾，今日可以活出精彩～

Photo from kara_waiyinghung @Instagram

惠英紅細細個嘅時候，爸爸慘被呃哂所有積蓄，令當時只有3歲嘅佢要帶住妹妹到處行乞，一直到14歲先加入影圈，當時佢係一位打星，拍戲好多時候都堅持親身上陣，非常專業，只可惜後來武打片產量降低，佢嘅事業因此陷入低潮，當時更患上抑鬱症，試圖了結生命，幸好最後平安無事～

Photo from kara_waiyinghung @Instagram

女人最怕就係老，由20歲左右起就忙於護膚、養生，希望自己可以衰老得慢一啲，但人又點能夠同時間競賽？「死卻是天下間最公平的事，那你怕甚麼？如皺紋，人人都有啊。」即將踏入60歲嘅惠英紅，卻認為女人應該要更自信，變老係人之常情，但內涵同頭腦嘅進步卻是無止境。佢話好多人都話佢靚咗，而呢種靚係發自內在，人生閱歷令內涵同自信成為佢魅力嘅泉源～