30日即可練成鉛筆腿！日本女生熱捧「30日足操運動」，網民實證連續做5日效果驚人～
有唔少女仔明明個身好瘦，但對腳就好粗，都係因為平日番工番學，長時間坐喺到所以搞到條腿越嚟越粗，又想瘦但又唔想花太多時間去做運動，今次就介紹你地日本妹熱推「30日足操運動」，好適合懶惰嘅你呀！動作非常簡單，留喺屋企都可以輕鬆完成，仲有好多網民試過都話：「只要連續做5天已經見到驚人效果～」
「30日足操運動」嘅動作其實非常簡單，首先平瞓喺瑜珈墊上面，然後雙腳抬起成90度，之後腳跟對住腳跟，雙腿開始做開合動作～
做呢個足操運動嘅時候，第一點要注意雙腿必須同身體垂直；第二點係每次雙腿相碰嘅時候，都要以腳跟碰撞；第三點係張開腿嘅時候要盡力開到最大先合番埋，動作可以確保運動到大腿內轉筋同埋內則肌肉，以達到瘦腿嘅效果～
呢個簡單嘅動作，可以運動到身體唔少部份，例如肚、大腿內側、小腿都需要發力～第一日由50下開始做起，之後每日增加5下，30日內每四日可以休息一次～
唔少日本女仔試過「30日足操運動」都得到非常滿意嘅瘦腿效果，仲喺網上面分享咗自己運動前後嘅對比圖，每一個嘅雙腿都有明顯變幼呀，太神奇啦～
只係用咗短短5日，就已經有明顯嘅效果～除咗可以瘦腿之外，同時可以改善腳形同埋防止變成O形腳。所以成日做劇烈運動而令小腿肌肉發達嘅女仔不妨試試呀！
除咗成功瘦腿，有網友仲連腰、腹、臀都有變瘦，每次照鏡都見到自己大腿內側的嘅變大嘅話，就自然會更有動力堅持落去啦！
想瘦腿但又唔想落街做運動嘅女仔，不妨努力堅持做呢走足操運動30日啦！
