9項懶癌末期病患者症狀—職業級忍小便選手、懶洗頭戴帽遮醜、執嘢永不彎腰，出動腳趾神功！

平時番工已經好攰，有得揀，邊個唔想做老闆～作為打工仔，每一日都係用意志力番工，一諗到自己有幾窮，還是會死死地氣完成工作～等到放工番到屋企或者係放假嘅日子，懶癌末期病人就會病發，嚴重嘅病人有如病入膏肓一樣，懶惰嘅程度令人難以相信。9個懶癌末期病患者症狀，數一數自己中咗幾多個吧～

＃1 唔出門唔會洗面，唔見人唔會洗頭

懶癌患者其中一大特徵係無咩事都唔會出街。無街出嘅日子，就當然唔需要執靚靚見人，洗頭呢啲咁隆重事又點會做呢～就連洗面可以都唔會好似平時咁講究，十足十男人咁求其用清水「濕吓塊面」就算了～

Photo from choisaaaa @ ig

＃2 無洗頭就會戴帽遮醜

無洗頭雖然過到自己?關，但你叫跟你同一屋簷下、周圍嘅人要面對你嘅頭臭，叫人情何以堪呢...所以一般有懶癌嘅女仔，無洗頭嘅日子一定會戴帽，掩飾頭臭之餘，又可以令其他人見唔到你?一個「油膩亮澤」嘅頭頂，一舉兩得！（笑）

Photo from missjni @ ig

＃3 為咗避免化妝，連街都廢事出

無約會嘅日子，其實明明都想落街食嘢醫下肚，但一諗起落街要化妝，都係不了～結果都係留喺屋企搜刮僅存食糧，有少少肚餓唔緊要，滿足到惰性至實際！

Photo from missjni @ ig

＃4 屋企長期有座「衣服山」

屋企每個角落，都會見到自己嘅衣物，特別係著咗一次但又無出汗，感覺上唔太污濁嘅衫，大多數懶癌患者會將佢哋有系統地歸類為「衣服山」中。只有自己先會明白嘅「整齊」，有時真係激死屋企人～

Photo from from Pinterest

＃5 附近無電掣，但又唔想起身，就唔會充電

懶癌患者喺床到打機、睇劇，即使電話就嚟無電，但礙於懶癌關係，佢哋會堅持去到最後一刻先去充電，遲得一秒得一秒啦！

Photo from misselvani @ ig

#6 忍小便高手

喺屋企享受Hea的時光，當然要Hea到底先乎合懶癌患者嘅形象～當你全心全意Hea緊，突然有尿意，忍得到嘅話你會堅持維持原狀！因為屋企個廁所距離你身處嘅位置實在太遠喇（大拿拿都要行成10步）呢個距離緊係忍得幾耐得幾耐！忍到痛先再去仲爽啦～

Photo from coffee89921 @ ig

＃7 跌咗嘢落地下，唔會彎腰去執

對於懶癌患者嚟講，「彎腰執嘢」—真係一種好大強度嘅運度，避得就避啦～你話跌銀紙就話姐，跌鎖匙、唇膏、任何物品，盡可能嘅都唔會直接彎腰執，用對腳「撩撩吓」甚至用腳脂夾佢上嚟！

Photo from pimtha @ ig

＃8 有電梯就唔會行樓梯

行街或者行商場，即使只係一層樓都會堅持搭等?。懶癌患者以舒服為首要考慮條件，搭地鐵時有位就會唔客氣去坐—既然可以坐，點解仲要企？

Photo from pimtha @ ig

#9 方便最重要，包括飲食

屋企一定有大量公仔麵、杯麵嘅存貨，配搭午餐肉，簡簡單單方便快捷又一餐～零食一定係放喺床頭或者隨手可得嘅地方，最緊要就係伸手就拎到。如果食物稍為要處理，進食方法比較複雜，都會直接放棄進食！

Photo from choisaaaa @ ig

Text：TopBeauty Editorial

Photo source： Instagram，pinterest