女人更愛真男人而非白馬王子！25+女人5種理想情人特質，搞曖昧、無責任心就給姊滾遠一點！

By Michelle on 14 May 2019

Digital Editor

Life is short, don't be lazy . Be your own idol to enjoy every moment !

年輕時，愛情世界就充滿多姿多彩嘅幻想，總覺得自己能遇上一個高、富、帥嘅白馬王子。25+女生慢慢領悟到，會為你披荊斬棘嘅男人並不存在，「曖昧好美麗」只係一個圈套。成熟後嘅你更發現，自己根本唔需要一位「手持寶劍」嘅男人，與其跟「得個睇字」嘅男人虛耗光陰，不如好好愛自己，寧缺勿濫地等待一個「值得的他」出現。

25+女人尋找心中白馬王子，大致上需要男人帶以下5種特質，唔好再誤會甜言蜜語同俊俏會係我哋嘅考慮條件喇～

＃1 成熟穩重

女人成日都話希望另一半係「成熟穩重」絕對唔係空口說白話！脫離年少輕狂階段嘅成熟男，有能力去規劃自己同另一半嘅未來，對生活有方向感，不再糊塗，令女人安全感大增。25歲後，女生需要嘅係會願意跟自己一起成長，進步嘅另一半，如果男伴於待人接物上處事圓滑，又不失應有原則同菱角，女生更放心交往呢～

＃2 生活穩定

有錢唔係萬能，但無錢一定係萬萬不能！雖然每人對「穩定生活」定義不一，但無可否認呢個係一個蠻「現實」嘅話題—因為現實令我哋認清「現實」係咩一回事。25+以後就會明白到，如果彼此無相近嘅生活水平，唔多唔少於溝通上都會有鴻溝，價值觀落差更明顯。成熟後你亦會明白，你要搵嘅男人未必需要大富大貴，但至起碼佢需要為自己人生負責任，唔好要另一半、屋企人為佢嘅生活操心。

＃3 果斷明確

跟一個男人會唔會有將來，從佢日常生活中做決定時嘅模樣就可以略知一二。25歲後嘅我哋，已經慢慢變得無青春可以畀我哋任意揮霍，與其跟一個心大心細，決定唔到愛唔愛你嘅人，不如好好跟自己相處，順從自己意思，做自己生活嘅主人！

＃4 認真、有責任心

天下間不論男或女，每個人都應該為自己嘅人生負責任。無論係家庭、生活、愛情，無一不需要責任心去經營同維持。成熟男生有「膊頭」，明白何謂「自律」同「有原則」，女伴自然唔需要似「老媽子」，時時刻刻都叨叨唸唸勸導大唔透嘅男生，自己活得優雅自在之餘，更可以多花時間喺雙方一齊朝住目標前進上。忘真又有責任心嘅男生更會畀有建設性嘅建議，帶領雙方走向明朗嘅方向！